ab kaun phir ke jae teri jalwa-gah se

Jaleel Manikpuri

ab kaun phir ke jae teri jalwa-gah se

Jaleel Manikpuri

MORE BY Jaleel Manikpuri

    ab kaun phir ke jaa.e tirī jalva-gāh se

    o shoḳh chashm phūñk de barq-e-nigāh se

    kis shaan se chalā hai mirā shahsavār-e-husn

    fitne pukārte haiñ zarā haT ke raah se

    jhapkī palak barq falak se zamīñ pe thī

    sambhlā na koī gir ke tumhārī nigāh se

    dilchasp ho ga.ī tire chalne se rahguzar

    uTh uTh ke gard-e-rāh lipaTtī hai raah se

    mīzāñ khaḌī huī mire aage na roz-e-hashr

    dabnā paḌā use mire bār-e-gunāh se

    dekho phir aise dekhne vaale na pāoge

    kyuuñ ḳhaak meñ milāte ho nīchī nigāh se

    ā.īne aarsī to faqat dekhne ke haiñ

    dekho tum apne husn ko merī nigāh se

    kasrat se mai jo hai nazar hai ma.aal par

    ra.asha nahīñ hai kaañp rahā huuñ gunāh se

    paayā buland kyuuñ na hamārā ho ai 'jalīl'

    paayā hai faiz amīr-e-suḳhan dastgāh se

    ab kaun phir ke jae teri jalwa-gah se

    o shoKH chashm phunk de barq-e-nigah se

    kis shan se chala hai mera shahsawar-e-husn

    fitne pukarte hain zara haT ke rah se

    jhapki palak tu barq falak se zamin pe thi

    sambhla na koi gir ke tumhaari nigah se

    dilchasp ho gai tere chalne se rahguzar

    uTh uTh ke gard-e-rah lipaTti hai rah se

    mizan khaDi hui mere aage na roz-e-hashr

    dabna paDa use mere bar-e-gunah se

    dekho phir aise dekhne wale na paoge

    kyun KHak mein milate ho nichi nigah se

    aaine aarsi to faqat dekhne ke hain

    dekho tum apne husn ko meri nigah se

    kasrat se mai jo pi hai nazar hai maal par

    rasha nahin hai kanp raha hun gunah se

    paya buland kyun na hamara ho ai 'jalil'

    paya hai faiz amir-e-suKHan dastgah se

    Source:

    • Book: Kainat-e-Jalil Manakpuri (Pg. 123)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites