apna sa shauq auron mein laen kahan se hum

Hasrat Mohani

apna sa shauq auron mein laen kahan se hum

Hasrat Mohani

MORE BY Hasrat Mohani

    apnā shauq auroñ meñ laa.eñ kahāñ se ham

    ghabrā ga.e haiñ be-dili-e-hamrahāñ se ham

    kuchh aisī duur bhī to nahīñ manzil-e-murād

    lekin ye jab ki chhūT chaleñ kārvāñ se ham

    ai yād-e-yār dekh ki bā-vasf-e-ranj-e-hijr

    masrūr haiñ tirī ḳhalish-e-nā-tavāñ se ham

    mālūm sab hai pūchhte ho phir bhī mudda.ā

    ab tum se dil baat kaheñ kyā zabāñ se ham

    ai zohd-e-ḳhushk terī hidāyat ke vāste

    sauġhāt-e-ishq laa.e haiñ kū-e-butāñ se ham

    betābiyoñ se chhup na sakā hāl-e-ārzū

    āḳhir bache na us nigah-e-bad-gumāñ se ham

    pīrāna-sar bhī shauq himmat buland hai

    ḳhvāhān-e-kām-e-jāñ haiñ jo us naujavāñ se ham

    māyūs bhī to karte nahīñ tum za-rāh-e-nāz

    tañg aa ga.e haiñ kashmakash-e-imtihāñ se ham

    ḳhalvat banegī tere ġham-e-jāñ-navāz

    leñge ye kaam apne dil-e-shādmāñ se ham

    hai intihā-e-yās bhī ik ibtidā-e-shauq

    phir aa ga.e vahīñ pe chale the jahāñ se ham

    'hasrat' phir aur ke kareñ kis bandagī

    achchhā jo sar uThā.eñ bhī is āstāñ se ham

    apna sa shauq auron mein laen kahan se hum

    ghabra gae hain be-dili-e-hamrahan se hum

    kuchh aisi dur bhi to nahin manzil-e-murad

    lekin ye jab ki chhuT chalen karwan se hum

    ai yaad-e-yar dekh ki ba-wasf-e-ranj-e-hijr

    masrur hain teri KHalish-e-na-tawan se hum

    malum sab hai puchhte ho phir bhi muddaa

    ab tum se dil ki baat kahen kya zaban se hum

    ai zohd-e-KHushk teri hidayat ke waste

    saughat-e-ishq lae hain ku-e-butan se hum

    betabiyon se chhup na saka haal-e-arzu

    aaKHir bache na us nigah-e-bad-guman se hum

    pirana-sar bhi shauq ki himmat buland hai

    KHwahan-e-kaam-e-jaan hain jo us naujawan se hum

    mayus bhi to karte nahin tum za-rah-e-naz

    tang aa gae hain kashmakash-e-imtihan se hum

    KHalwat banegi tere gham-e-jaan-nawaz ki

    lenge ye kaam apne dil-e-shadman se hum

    hai intiha-e-yas bhi ek ibtida-e-shauq

    phir aa gae wahin pe chale the jahan se hum

    'hasrat' phir aur ja ke karen kis ki bandagi

    achchha jo sar uThaen bhi is aastan se hum

    RECITATIONS

    Nomaan Shauque

    Nomaan Shauque

    Nomaan Shauque

    apna sa shauq auron mein laen kahan se hum Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites