aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

badal jate hain dil haalat jab karwaT badalte hain

Jameel Mazhari

badal jate hain dil haalat jab karwaT badalte hain

Jameel Mazhari

MORE BYJameel Mazhari

    badal jaate haiñ dil hālāt jab karvaT badalte haiñ

    mohabbat ke tasavvur bhī na.e sāñchoñ meñ Dhalte haiñ

    tabassum jab kisī ruuh meñ tahlīl hotā hai

    to dil bāñsurī se nit na.e naġhme nikalte haiñ

    mohabbat jin ke dil dhaḌkanoñ ko tez rakhtī hai

    vo aksar vaqt raftār se aage bhī chalte haiñ

    ujāle ke pujārī muzmahil kyuuñ haiñ añdhere se

    ki ye taare nigalte haiñ to sūraj bhī ugalte haiñ

    inhī hairat-zada āñkhoñ se dekhe haiñ vo aañsū bhī

    jo aksar dhuup meñ mehnat peshānī se Dhalte haiñ

    mohabbat to talab raah meñ ik aisī Thokar hai

    ki jis se zindagī ret meñ zamzam ubalte haiñ

    ġhubār-e-kārvāñ haiñ vo na pūchho iztirāb un

    kabhī aage bhī chalte haiñ kabhī pīchhe bhī chalte haiñ

    diloñ ke nāḳhudā uTh kar sañbhāleñ kashtiyāñ apnī

    bahut se aise tūfāñ 'maz.harī' ke dil meñ palte haiñ

    badal jate hain dil haalat jab karwaT badalte hain

    mohabbat ke tasawwur bhi nae sanchon mein Dhalte hain

    tabassum jab kisi ka ruh mein tahlil hota hai

    to dil ki bansuri se nit nae naghme nikalte hain

    mohabbat jin ke dil ki dhaDkanon ko tez rakhti hai

    wo aksar waqt ki raftar se aage bhi chalte hain

    ujale ke pujari muzmahil kyun hain andhere se

    ki ye tare nigalte hain to suraj bhi ugalte hain

    inhi hairat-zada aankhon se dekhe hain wo aansu bhi

    jo aksar dhup mein mehnat ki peshani se Dhalte hain

    mohabbat to talab ki rah mein ek aisi Thokar hai

    ki jis se zindagi ki ret mein zamzam ubalte hain

    ghubar-e-karwan hain wo na puchho iztirab un ka

    kabhi aage bhi chalte hain kabhi pichhe bhi chalte hain

    dilon ke naKHuda uTh kar sanbhaalen kashtiyan apni

    bahut se aise tufan 'mazhari' ke dil mein palte hain

    RECITATIONS

    Nomaan Shauque

    Nomaan Shauque,

    Nomaan Shauque

    badal jate hain dil haalat jab karwaT badalte hain Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now