dekh na is tarah guzar arsa-e-chashm se mujhe

dekh na is tarah guzār arsa-e-chashm se mujhe

fursat-e-dīd ho na ho mohlat-e-ḳhvāb de mujhe

bas-ki guzishtanī hai vaqt bas-ki shikastanī hai dil

ḳhvāb koī dikhā ki jo yaad na aa sake mujhe

ḳhaam hī rakh ke puḳhtagī shakl hai ik shikast kī

ātish-e-vasl kī jagah ḳhāk-e-firāq de mujhe

haañ ai ġhubār-e-āshnā maiñ bhī thā ham-safar tirā

pī ga.iiñ manzileñ tujhe khā ga.e rāste mujhe

der se ro nahīñ sakā duur huuñ so nahīñ sakā

ġham jo rulā sake mujhe sam jo sulā sake mujhe

dekh na is tarah guzar arsa-e-chashm se mujhe

fursat-e-did ho na ho mohlat-e-KHwab de mujhe

bas-ki guzishtani hai waqt bas-ki shikastani hai dil

KHwab koi dikha ki jo yaad na aa sake mujhe

KHam hi rakh ke puKHtagi shakl hai ek shikast ki

aatish-e-wasl ki jagah KHak-e-firaq de mujhe

han ai ghubar-e-ashna main bhi tha ham-safar tera

pi gain manzilen tujhe kha gae raste mujhe

der se ro nahin saka dur hun so nahin saka

gham jo rula sake mujhe sam jo sula sake mujhe