aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

duriyan simaTne mein der kuchh to lagti hai

Amjad Islam Amjad

duriyan simaTne mein der kuchh to lagti hai

Amjad Islam Amjad

MORE BYAmjad Islam Amjad

    dūriyāñ simaTne meñ der kuchh to lagtī hai

    ranjishoñ ke miTne meñ der kuchh to lagtī hai

    hijr ke dorāhe par ek pal na Thahrā vo

    rāste badalne meñ der kuchh to lagtī hai

    aañkh se na haTnā tum aañkh ke jhapakne tak

    aañkh ke jhapakne meñ der kuchh to lagtī hai

    hādisa bhī hone meñ vaqt kuchh to letā hai

    baḳht ke bigaḌne meñ der kuchh to lagtī hai

    ḳhushk bhī na ho paa.ī raushnā.ī harfoñ

    jān-e-man mukarne meñ der kuchh to lagtī hai

    fard nahīñ hai ye baat hai qabīle

    gir ke phir sambhalne meñ der kuchh to lagtī hai

    dard kahānī ko ishq ke fasāne ko

    dāstān banñe meñ der kuchh to lagtī hai

    dastakeñ bhī dene par dar agar na khultā ho

    sīḌhiyāñ utarne meñ der kuchh to lagtī hai

    ḳhvāhisheñ parindoñ se laakh miltī-jultī hoñ

    dost par nikalne meñ der kuchh to lagtī hai

    umr-bhar mohlat to vaqt hai ta.āruf

    zindagī samajhne meñ der kuchh to lagtī hai

    rañg yuuñ to hote haiñ bādaloñ ke andar

    par dhanak ke banñe meñ der kuchh to lagtī hai

    un aur phūloñ ek ridā.eñ haiñ

    titliyāñ pakaḌne meñ der kuchh to lagtī hai

    zalzale sūrat meñ ishq vaar kartā hai

    sochne samajhne meñ der kuchh to lagtī hai

    bhiiḌ vaqt letī hai rahnumā parakhne meñ

    kārvān banñe meñ der kuchh to lagtī hai

    ho chaman ke phūloñ kisī parī-vash

    husn ke sañvarne meñ der kuchh to lagtī hai

    mustaqil nahīñ 'amjad' ye dhuāñ muqaddar

    lakḌiyāñ sulagne meñ der kuchh to lagtī hai

    duriyan simaTne mein der kuchh to lagti hai

    ranjishon ke miTne mein der kuchh to lagti hai

    hijr ke dorahe par ek pal na Thahra wo

    raste badalne mein der kuchh to lagti hai

    aankh se na haTna tum aankh ke jhapakne tak

    aankh ke jhapakne mein der kuchh to lagti hai

    hadisa bhi hone mein waqt kuchh to leta hai

    baKHt ke bigaDne mein der kuchh to lagti hai

    KHushk bhi na ho pai raushnai harfon ki

    jaan-e-man mukarne mein der kuchh to lagti hai

    fard ki nahin hai ye baat hai qabile ki

    gir ke phir sambhalne mein der kuchh to lagti hai

    dard ki kahani ko ishq ke fasane ko

    dastan banne mein der kuchh to lagti hai

    dastaken bhi dene par dar agar na khulta ho

    siDhiyan utarne mein der kuchh to lagti hai

    KHwahishen parindon se lakh milti-julti hon

    dost par nikalne mein der kuchh to lagti hai

    umr-bhar ki mohlat to waqt hai taaruf ka

    zindagi samajhne mein der kuchh to lagti hai

    rang yun to hote hain baadalon ke andar hi

    par dhanak ke banne mein der kuchh to lagti hai

    un ki aur phulon ki ek si ridaen hain

    titliyan pakaDne mein der kuchh to lagti hai

    zalzale ki surat mein ishq war karta hai

    sochne samajhne mein der kuchh to lagti hai

    bhiD waqt leti hai rahnuma parakhne mein

    karwan banne mein der kuchh to lagti hai

    ho chaman ke phulon ka ya kisi pari-wash ka

    husn ke sanwarne mein der kuchh to lagti hai

    mustaqil nahin 'amjad' ye dhuan muqaddar ka

    lakDiyan sulagne mein der kuchh to lagti hai

    Source:

    Batain Kartay Din (Pg. 155)

    • Author: Amjad Islam Amjad
      • Edition: 2014
      • Publisher: Sang-e-meel Publications
      • Year of Publication: 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now