duriyon mein qarabaton ka maza

dūriyoñ meñ qarābatoñ kā mazā

liije liije mohabbatoñ kā mazā

kuchh mazā bārishoñ kī shorish kā

kuchh Tapaktī huī chhatoñ kā mazā

ho ga.ī nā tabāh ḳhud-dārī

le liyā nā ri.āyatoñ kā mazā

ik muhājir hī jaan saktā hai

kaisā hotā hai hijratoñ kā mazā

dhuup jā-e-qarār sāyoñ kī

har bagūla masāfatoñ kā mazā

bhuuk aur pyaas zaat kī lazzat

fāqa-mastī qanā.atoñ kā mazā

jaise sajde meñ qatl ho koī

aisā hotā hai chāhatoñ kā mazā

maut hai zindagī kī kamzorī

jāñ-kanī apnī quvvatoñ kā mazā

ishq hotā hai tab hī jab 'mohsin'

muntaqil ho tabī.atoñ kā mazā

duriyon mein qarabaton ka maza

lije lije mohabbaton ka maza

kuchh maza barishon ki shorish ka

kuchh Tapakti hui chhaton ka maza

ho gai na tabah KHud-dari

le liya na riayaton ka maza

ek muhajir hi jaan sakta hai

kaisa hota hai hijraton ka maza

dhup ja-e-qarar sayon ki

har bagula masafaton ka maza

bhuk aur pyas zat ki lazzat

faqa-masti qanaaton ka maza

jaise sajde mein qatl ho koi

aisa hota hai chahaton ka maza

maut hai zindagi ki kamzori

jaan-kani apni quwwaton ka maza

ishq hota hai tab hi jab 'mohsin'

muntaqil ho tabiaton ka maza