ek tera gham jis ko rah-e-motabar jaanen
ek terā ġham jis ko rāh-e-mo'tabar jāneñ
is safar meñ ham kis ko apnā ham-safar jāneñ
jis se kuchh na kah paa.eñ jān-e-guftugū Thahre
jis se kam mileñ us ko sab se beshtar jāneñ
apnā aks bhī aksar saath chhoḌ jaatā hai
ye ma.āl-e-ḳhud-bīnī kaash shīshagar jāneñ
tār-tār kar Dāleñ sabr-o-zabt kā dāman
zaḳhm zaḳhm dikhlā deñ zarf-e-chāra-gar jāneñ
ek tera gham jis ko rah-e-mo'tabar jaanen
is safar mein hum kis ko apna ham-safar jaanen
jis se kuchh na kah paen jaan-e-guftugu Thahre
jis se kam milen us ko sab se beshtar jaanen
apna aks bhi aksar sath chhoD jata hai
ye maal-e-KHud-bini kash shishagar jaanen
tar-tar kar Dalen sabr-o-zabt ka daman
zaKHm zaKHm dikhla den zarf-e-chaara-gar jaanen
Source:
Sham ka Pahla Tara (Pg. 19)
- Author: ZEHRA NIGAAH
-
- Edition: 1980
- Year of Publication: 1980
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
