aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

haalat ke qadmon pe qalandar nahin girta

Qateel Shifai

haalat ke qadmon pe qalandar nahin girta

Qateel Shifai

MORE BYQateel Shifai

    hālāt ke qadmoñ pe qalandar nahīñ girtā

    TuuTe bhī jo taarā to zamīñ par nahīñ girtā

    girte haiñ samundar meñ baḌe shauq se dariyā

    lekin kisī dariyā meñ samundar nahīñ girtā

    samjho vahāñ phaldār shajar koī nahīñ hai

    vo sahn ki jis meñ koī patthar nahīñ girtā

    itnā to huā fā.eda bārish kamī

    is shahr meñ ab koī phisal kar nahīñ girtā

    in'ām ke lālach meñ likhe mad.h kisī

    itnā to kabhī koī suḳhan-var nahīñ girtā

    hairāñ hai ka.ī roz se Thahrā huā paanī

    tālāb meñ ab kyuuñ koī kankar nahīñ girtā

    us banda-e-ḳhuddār pe nabiyoñ hai saaya

    jo bhuuk meñ bhī luqma-e-tar par nahīñ girtā

    karnā hai jo sar ma.arka-e-zīst to sun le

    be-bāzū-e-haidar dar-e-ḳhaibar nahīñ girtā

    qaa.em hai 'qatīl' ab ye mire sar ke sutūñ par

    bhauñchāl bhī aa.e to mirā ghar nahīñ girtā

    haalat ke qadmon pe qalandar nahin girta

    TuTe bhi jo tara to zamin par nahin girta

    girte hain samundar mein baDe shauq se dariya

    lekin kisi dariya mein samundar nahin girta

    samjho wahan phaldar shajar koi nahin hai

    wo sahn ki jis mein koi patthar nahin girta

    itna to hua faeda barish ki kami ka

    is shahr mein ab koi phisal kar nahin girta

    in'am ke lalach mein likhe madh kisi ki

    itna to kabhi koi suKHan-war nahin girta

    hairan hai kai roz se Thahra hua pani

    talab mein ab kyun koi kankar nahin girta

    us banda-e-KHuddar pe nabiyon ka hai saya

    jo bhuk mein bhi luqma-e-tar par nahin girta

    karna hai jo sar marka-e-zist to sun le

    be-bazu-e-haidar dar-e-KHaibar nahin girta

    qaem hai 'qatil' ab ye mere sar ke sutun par

    bhaunchaal bhi aae to mera ghar nahin girta

    Source:

    Rang, Khushboo, Raushni (Pg. page-50,ebook-52)

    • Author: Qateel Shifai
      • Edition: 2011
      • Publisher: Director Qaumi Council Bara-e- Farogh-e-Urdu Zaban, New Delhi
      • Year of Publication: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now