aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hamari kaif saza-war-e-ehtisab nahin

Imam Bakhsh Nasikh

hamari kaif saza-war-e-ehtisab nahin

Imam Bakhsh Nasikh

MORE BYImam Bakhsh Nasikh

    hamārī kaif sazā-vār-e-ehtisāb nahīñ

    ḳhayāl-e-chashm hai kuchh sāġhar-e-sharāb nahīñ

    vo be-naqāb huā hai to ye tamāshā hai

    do-chār hone āñkhoñ meñ apnī taab nahīñ

    ye mujh ko us ke taġhāful se hai yaqīn ki haa.e

    javāb-nāme so ai naame javāb nahīñ

    samā rahā hai yahāñ tak parī-ruḳhoñ jamāl

    hamārī āñkhoñ meñ ḳhālī maqām-e-ḳhvāb nahīñ

    butoñ ke parde meñ ham dekhte haiñ nūr-e-ḳhudā

    ḳhudā ke dekhne ai kalīm taab nahīñ

    vufūr-e-ashk se kyoñ hai gale talak paanī

    hamārā kāsa-e-sar kāsa-e-habāb nahīñ

    maiñ bazm-e-shāhid-o-sāqī meñ kyoñ na vajd karūñ

    barā-e-zohd-o-vara.a ālam-e-shabāb nahīñ

    kiyā hai daaġh ne kyoñ us ko manzil-e-ḳhurshīd

    hamārā dil hai ye kuchh burj-e-āftāb nahīñ

    huā hai mān-e-dīdār-e-yār parda-e-chashm

    khulī jo aañkh to kuchh darmiyāñ hijāb nahīñ

    ye zabt-e-girya meñ aalam hai be-qarārī

    ki barq kauñdtī hai bārish-e-sahāb nahīñ

    bashar ke jism meñ hai jaan māya-e-ġhaflat

    so ai dīda-e-tasvīr kis ko ḳhvāb nahīñ

    dilā hai mausam-e-pīrī mahal jām-e-sharāb

    baġhair sub.h koī vaqt-e-āftāb nahīñ

    maiñ ġhash se us ke chhiḌakte hoshiyār huā

    kisī sanam pasīna hai ye gulāb nahīñ

    bahut fareb se ham vahshiyoñ ko vahshat hai

    hamāre dasht meñ 'nāsiḳh' kahīñ sarāb nahīñ

    hamari kaif saza-war-e-ehtisab nahin

    KHayal-e-chashm hai kuchh saghar-e-sharab nahin

    wo be-naqab hua hai to ye tamasha hai

    do-chaar hone ki aankhon mein apni tab nahin

    ye mujh ko us ke taghaful se hai yaqin ki hae

    jawab-name so ai name ka jawab nahin

    sama raha hai yahan tak pari-ruKHon ka jamal

    hamari aankhon mein KHali maqam-e-KHwab nahin

    buton ke parde mein hum dekhte hain nur-e-KHuda

    KHuda ke dekhne ki ai kalim tab nahin

    wufur-e-ashk se kyon hai gale talak pani

    hamara kasa-e-sar kasa-e-habab nahin

    main bazm-e-shahid-o-saqi mein kyon na wajd karun

    bara-e-zohd-o-wara aalam-e-shabab nahin

    kiya hai dagh ne kyon us ko manzil-e-KHurshid

    hamara dil hai ye kuchh burj-e-aftab nahin

    hua hai man-e-didar-e-yar parda-e-chashm

    khuli jo aankh to kuchh darmiyan hijab nahin

    ye zabt-e-girya mein aalam hai be-qarari ka

    ki barq kaundti hai barish-e-sahab nahin

    bashar ke jism mein hai jaan maya-e-ghaflat

    so ai dida-e-taswir kis ko KHwab nahin

    dila hai mausam-e-piri mahal jam-e-sharab

    baghair subh koi waqt-e-aftab nahin

    main ghash se us ke chhiDakte hi hoshiyar hua

    kisi sanam ka pasina hai ye gulab nahin

    bahut fareb se hum wahshiyon ko wahshat hai

    hamare dasht mein 'nasiKH' kahin sarab nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now