jab kabhi baat kisi ki bhi buri lagti hai
jab kabhī baat kisī kī bhī burī lagtī hai
aisā lagtā hai ki siine meñ chhurī lagtī hai
raat bhārī thī to the us ke sitam se be-zār
sub.h aa.ī hai to vo aur burī lagtī hai
vo ho ārā.ish-e-afkār ki zebā.ish-e-fan
aaj donoñ kī ravish ḳhāna-purī lagtī hai
log māñge ke ujāle se haiñ aise mar.ūb
raushnī apne charāġhoñ kī burī lagtī hai
ahl-e-dānish hue arbāb-e-siyāsat ke murīd
aisī pastī pe mire dil meñ chhurī lagtī hai
jab kabhi baat kisi ki bhi buri lagti hai
aisa lagta hai ki sine mein chhuri lagti hai
raat bhaari thi to the us ke sitam se be-zar
subh aai hai to wo aur buri lagti hai
wo ho aaraish-e-afkar ki zebaish-e-fan
aaj donon ki rawish KHana-puri lagti hai
log mange ke ujale se hain aise marub
raushni apne charaghon ki buri lagti hai
ahl-e-danish hue arbab-e-siyasat ke murid
aisi pasti pe mere dil mein chhuri lagti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
