aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHamosh dab-e-ishq ko bulbul liye hue

Rind Lakhnavi

KHamosh dab-e-ishq ko bulbul liye hue

Rind Lakhnavi

MORE BYRind Lakhnavi

    ḳhāmosh dāb-e-ishq ko bulbul liye hue

    gul mast hai chaman meñ piyāla piye hue

    imsāl fasl-e-gul meñ vo phir chaak ho ga.e

    agle baras ke the jo garebāñ siye hue

    ham bhī havā meñ ik gul-e-nau-ḳhez-e-husn ke

    barsoñ phire haiñ chaak garebāñ kiye hue

    dokāneñ mai-faroshoñ kab se paḌī haiñ band

    rah rah ga.e haiñ qufl diye ke diye hue

    ishq-e-sanam hai is meñ haiñ ḳhuddāriyāñ zarūr

    ai dil ḳhudā ke vāste ḳhud ko liye hue

    murshid hai ishq ham haiñ murīd us janāb ke

    barsoñ guzar ga.e haiñ piyāla piye hue

    vo aa ke muskurā.e is andāz-o-nāz se

    khul khul ga.e jo zaḳhm-e-jigar the siye hue

    roz-e-azal se daḳhl vajūd o adam meñ hai

    donoñ ilāqe haiñ ye hamāre liye hue

    haiñ but-parast dair meñ haajī haiñ ka.aba meñ

    tālib razā-e-dost ke dharne diye hue

    maidān-e-imtihāñ meñ hameñ bhej dījiye

    kahiye unheñ ye kaam haiñ jin ke kiye hue

    nāmard apne vaadī meñ rakkhegā kyā qadam

    sar ho muhimm-e-ishq na be-sar diye hue

    kis kis tarah bhes badal kar pahuñchte haiñ

    āshiq hue na aap ke bahrūpiye hue

    hāsil huā butoñ se na āshiq ko mudda.ā

    raushan kabhī na dair meñ ghē ke diye hue

    ta.avīz o naqsh kuchh nahīñ karte asar vahāñ

    saare ye khaTkhaTe haiñ hamāre kiye hue

    ik shab huī nasīb-e-sulaimāñ na jo parī

    ham roz so.e us ko baġhal meñ liye hue

    āñkhoñ meñ phirtī haiñ jo vo āñkheñ nashīlyañ

    do botaloñ mastī hai be-mai piye hue

    bāñdhā jo chust chust mazāmīn-e-nau ke saath

    bandish se merī tañg bahut qāfiye hue

    āshiq mizāj rote haiñ paḌh paḌh ke beshtar

    ash.ār 'rind' ke na hue marsiye hue

    KHamosh dab-e-ishq ko bulbul liye hue

    gul mast hai chaman mein piyala piye hue

    imsal fasl-e-gul mein wo phir chaak ho gae

    agle baras ke the jo gareban siye hue

    hum bhi hawa mein ek gul-e-nau-KHez-e-husn ke

    barson phire hain chaak gareban kiye hue

    dokanen mai-faroshon ki kab se paDi hain band

    rah rah gae hain qufl diye ke diye hue

    ishq-e-sanam hai is mein hain KHuddariyan zarur

    ai dil KHuda ke waste KHud ko liye hue

    murshid hai ishq hum hain murid us janab ke

    barson guzar gae hain piyala piye hue

    wo aa ke muskurae is andaz-o-naz se

    khul khul gae jo zaKHm-e-jigar the siye hue

    roz-e-azal se daKHl wajud o adam mein hai

    donon ilaqe hain ye hamare liye hue

    hain but-parast dair mein haji hain kaba mein

    talib raza-e-dost ke dharne diye hue

    maidan-e-imtihan mein hamein bhej dijiye

    kahiye unhen ye kaam hain jin ke kiye hue

    namard apne wadi mein rakkhega kya qadam

    sar ho muhimm-e-ishq na be-sar diye hue

    kis kis tarah ka bhes badal kar pahunchte hain

    aashiq hue na aap ke bahrupiye hue

    hasil hua buton se na aashiq ko muddaa

    raushan kabhi na dair mein ghee ke diye hue

    tawiz o naqsh kuchh nahin karte asar wahan

    sare ye khaTkhaTe hain hamare kiye hue

    ek shab hui nasib-e-sulaiman na jo pari

    hum roz soe us ko baghal mein liye hue

    aankhon mein phirti hain jo wo aankhen nashilyan

    do botalon ki masti hai be-mai piye hue

    bandha jo chust chust mazamin-e-nau ke sath

    bandish se meri tang bahut qafiye hue

    aashiq mizaj rote hain paDh paDh ke beshtar

    ashaar 'rind' ke na hue marsiye hue

    Source:

    Deewan-e-Rind(Guldast-e-ishq) (Rekhta Website) (Pg. 276)

    • Author: Rind Lakhnavi
      • Edition: 1931
      • Publisher: Munshi Nawal Kishor, Lucknow
      • Year of Publication: 1930
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now