KHushk ho jae na jharne wala
ḳhushk ho jaa.e na jharne vaalā
ab ke tālāb hai bharne vaalā
jism par naam na likhnā apnā
ye hai miTTī meñ utarne vaalā
maar kar dekh liyā hai us ko
ham se martā nahīñ marne vaalā
ab to aahaT bhī nahīñ aatī hai
yuuñ guzartā hai guzarne vaalā
is liye jhiil meñ halchal hai bahut
ik jazīra hai ubharne vaalā
ho rahā hai pas-e-dīvār bhī kuchh
jaane kyā kartā hai karne vaalā
aap hī aap chalātā hai havā
aap hī aap bikharne vaalā
kashtiyāñ paar lageñ yā na lageñ
ab ye dariyā hai utarne vaalā
kaun jā.egā sar-e-koh-e-nidā
shahr kā shahr hai Darne vaalā
KHushk ho jae na jharne wala
ab ke talab hai bharne wala
jism par nam na likhna apna
ye hai miTTi mein utarne wala
mar kar dekh liya hai us ko
hum se marta nahin marne wala
ab to aahaT bhi nahin aati hai
yun guzarta hai guzarne wala
is liye jhil mein halchal hai bahut
ek jazira hai ubharne wala
ho raha hai pas-e-diwar bhi kuchh
jaane kya karta hai karne wala
aap hi aap chalata hai hawa
aap hi aap bikharne wala
kashtiyan par lagen ya na lagen
ab ye dariya hai utarne wala
kaun jaega sar-e-koh-e-nida
shahr ka shahr hai Darne wala
Source:
Lauh-e-Jahan (Pg. 65)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
