kisi bhi rah pe rukna na faisla kar ke
kisī bhī raah pe ruknā na faisla kar ke
bichhaḌ rahe ho mirī jaan hausla kar ke
maiñ intizār kī hālat meñ rah nahīñ saktā
vo intihā bhī kare aaj ibtidā kar ke
tirī judā.ī kā manzar bayāñ nahīñ hogā
maiñ apnā saaya bhī rakkhūñ agar judā kar ke
mujhe to bahr-e-balā-ḳhez kī zarūrat thī
simaT gayā huuñ maiñ duniyā ko rāsta kar ke
kisī ḳhayāl kā koī vajūd ho shāyad
badal rahā huuñ maiñ ḳhvāboñ ko tajraba kar ke
kabhī na faisla jaldī meñ kījiye 'sāhil'
badal bhī saktā hai kāfir vo bad-duā kar ke
kisi bhi rah pe rukna na faisla kar ke
bichhaD rahe ho meri jaan hausla kar ke
main intizar ki haalat mein rah nahin sakta
wo intiha bhi kare aaj ibtida kar ke
teri judai ka manzar bayan nahin hoga
main apna saya bhi rakkhun agar juda kar ke
mujhe to bahr-e-bala-KHez ki zarurat thi
simaT gaya hun main duniya ko rasta kar ke
kisi KHayal ka koi wajud ho shayad
badal raha hun main KHwabon ko tajraba kar ke
kabhi na faisla jaldi mein kijiye 'sahil'
badal bhi sakta hai kafir wo bad-dua kar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
