مانگتے مانگتے دعا مرے ساتھ
مانگتے مانگتے دعا مرے ساتھ
بجھ گیا آخری دیا مرے ساتھ
تو نے مجھ کو تسلی دینا تھی
تو بھی اے شخص رو پڑا مرے ساتھ
دل میں آیا خیال تجھ سے ملوں
چل پڑا ایک راستہ مرے ساتھ
کوئی جچتا نہیں علاوہ ترے
ورنہ اک ہم سفر تو تھا مرے ساتھ
بد نصیبی کہ عشق کر کے بھی
کوئی دھوکہ نہیں ہوا مرے ساتھ
دشمنی تو مری تھی سورج سے
شہر کا شہر جل گیا مرے ساتھ
سارے چہرے ہی تیرے چہرے ہیں
تو رہا ہے جدا جدا مرے ساتھ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
