mahshar mein pas kyun dam-e-fariyaad aa gaya

Momin Khan Momin

mahshar mein pas kyun dam-e-fariyaad aa gaya

Momin Khan Momin

MORE BY Momin Khan Momin

    mahshar meñ paas kyuuñ dam-e-fariyād aa gayā

    rahm us ne kab kiyā thā ki ab yaad aa gayā

    uljhā hai paañv yaar zulf-e-darāz meñ

    lo aap apne daam meñ sayyād aa gayā

    nākāmiyoñ meñ tum ne jo tashbīh mujh se

    shīrīñ ko dard-e-talḳhi-e-farhād aa gayā

    ham chārāgar ko yuuñ pahnā.eñge beḌiyāñ

    qaabū meñ apne gar vo parī-zād aa gayā

    dil ko qalaq hai tark-e-mohabbat ke baad bhī

    ab āsmāñ ko shikva-e-bedād aa gayā

    vo bad-gumāñ huā jo kahīñ sher meñ mire

    zikr-e-butān-e-ḳhalḳh-o-naushād aa gayā

    the be-gunāh jur.at-e-pā-bos thī zarūr

    kyā karte vahm-e-ḳhajlat-e-jallād aa gayā

    jo ho chukā yaqīñ ki nahīñ tāqat-e-visāl

    dam meñ hamāre vo sitam-ījād aa gayā

    zikr-e-sharāb-o-hūr kalām-e-ḳhudā meñ dekh

    'momin' maiñ kyā kahūñ mujhe kyā yaad aa gayā

    mahshar mein pas kyun dam-e-fariyaad aa gaya

    rahm us ne kab kiya tha ki ab yaad aa gaya

    uljha hai panw yar ka zulf-e-daraaz mein

    lo aap apne dam mein sayyaad aa gaya

    nakaamiyon mein tum ne jo tashbih mujh se di

    shirin ko dard-e-talKHi-e-farhad aa gaya

    hum chaaragar ko yun hi pahnaenge beDiyan

    qabu mein apne gar wo pari-zad aa gaya

    dil ko qalaq hai tark-e-mohabbat ke baad bhi

    ab aasman ko shikwa-e-bedad aa gaya

    wo bad-guman hua jo kahin sher mein mere

    zikr-e-butan-e-KHalKH-o-naushad aa gaya

    the be-gunah jurat-e-pa-bos thi zarur

    kya karte wahm-e-KHajlat-e-jallad aa gaya

    jo ho chuka yaqin ki nahin taqat-e-visal

    dam mein hamare wo sitam-ijad aa gaya

    zikr-e-sharab-o-hur kalam-e-KHuda mein dekh

    'momin' main kya kahun mujhe kya yaad aa gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY