main jis ke sath zafar umr bhar uTha baiTha

maiñ jis ke saath 'zafar' umr bhar uThā baiThā

vo jaane aaj hai kyuuñ ajnabī banā baiThā

shikāyat us se nahīñ apne-āp se hai mujhe

vo bevafā thā to maiñ aas kyuuñ lagā baiThā

jo mere vāste buniyād thā mohabbat kī

maiñ us ḳhayāl kī dīvār hī girā baiThā

buland parcham-e-azm-e-safar maiñ kyā rakhtā

mire qarīb hī merā ġhubār aa baiThā

samā.atoñ kī fasīloñ pe aisā pahra thā

ki phaḌphaḌātā huā tā.ir-e-sadā baiThā

milā vo raat mujhe mahfil-e-masarrat meñ

to maiñ adab se nahīñ dukh se duur jā baiThā

'zafar' batāo use haath kyā lagā saktā

jise maiñ dekh ke bīnā.ī hī gañvā baiThā

main jis ke sath 'zafar' umr bhar uTha baiTha

wo jaane aaj hai kyun ajnabi bana baiTha

shikayat us se nahin apne-ap se hai mujhe

wo bewafa tha to main aas kyun laga baiTha

jo mere waste buniyaad tha mohabbat ki

main us KHayal ki diwar hi gira baiTha

buland parcham-e-azm-e-safar main kya rakhta

mere qarib hi mera ghubar aa baiTha

samaaton ki fasilon pe aisa pahra tha

ki phaDphaData hua tair-e-sada baiTha

mila wo raat mujhe mahfil-e-masarrat mein

to main adab se nahin dukh se dur ja baiTha

'zafar' batao use hath kya laga sakta

jise main dekh ke binai hi ganwa baiTha