na raha gul na Khaar hi aaKHir

na rahā gul na ḳhaar hī āḳhir

ik rahā husn-e-yār hī āḳhir

ab jo chhūTe bhī ham qafas se to kyā

ho chukī vaañ bahār hī āḳhir

ātish-e-dil pe aab le dauḌā

dīda-e-ashk-bār hī āḳhir

zid se nāseh kī maiñ ne kar Daalā

jeb ko taar taar hī āḳhir

kyuuñ na huuñ tere dar pe honā hai

ek din to ġhubār hī āḳhir

kaam aayā na jaa.e sham-e-mazār

ye dil-e-dāġh-dār hī āḳhir

sham.a-rū par misāl-e-parvāna

ho ga.e ham nisār hī āḳhir

vo na aayā idhar 'hasan' afsos

rah gayā intizār hī āḳhir

na raha gul na KHar hi aaKHir

ek raha husn-e-yar hi aaKHir

ab jo chhuTe bhi hum qafas se to kya

ho chuki wan bahaar hi aaKHir

aatish-e-dil pe aab le dauDa

dida-e-ashk-bar hi aaKHir

zid se naseh ki main ne kar Dala

jeb ko tar tar hi aaKHir

kyun na hun tere dar pe hona hai

ek din to ghubar hi aaKHir

kaam aaya na jae sham-e-mazar

ye dil-e-dagh-dar hi aaKHir

shama-ru par misal-e-parwana

ho gae hum nisar hi aaKHir

wo na aaya idhar 'hasan' afsos

rah gaya intizar hi aaKHir