na surKHi ghuncha-e-gul mein tere dahan ki si

na surḳhī ġhuncha-e-gul meñ tire dahan kī sī

na yāsman meñ safā.ī tire badan kī sī

maiñ kyuuñ na phūlūñ ki us gul-badan ke aane se

bahār aaj mire ghar meñ hai chaman kī sī

ye barq-e-abr meñ dekhe se yaad aatī hai

jhalak kisī ke dupaTTe meñ nau-ratan kī sī

guloñ ke rañg ko kyā dekhte ho ai ḳhūbāñ

ye rañgateñ haiñ tumhāre hī pairahan kī sī

jo dil thā vasl meñ ābād tere hijr meñ aah

banī hai shakl ab us kī ujaaḌ ban kī sī

tū apne tan ko na de nastaran se ab tashbīh

bhalā tū dekh ye narmī hai tere tan kī sī

tirā jo paañv kā talvā hai bazm-e-maḳhmal sā

safā.ī is meñ hai kahiye to nastaran kī sī

'nazīr' ek ġhazal is zamīñ meñ aur bhī likh

ki ab to kam hai ravānī tire suḳhan kī sī

na surKHi ghuncha-e-gul mein tere dahan ki si

na yasman mein safai tere badan ki si

main kyun na phulun ki us gul-badan ke aane se

bahaar aaj mere ghar mein hai chaman ki si

ye barq-e-abr mein dekhe se yaad aati hai

jhalak kisi ke dupaTTe mein nau-ratan ki si

gulon ke rang ko kya dekhte ho ai KHuban

ye rangaten hain tumhaare hi pairahan ki si

jo dil tha wasl mein aabaad tere hijr mein aah

bani hai shakl ab us ki ujaD ban ki si

tu apne tan ko na de nastaran se ab tashbih

bhala tu dekh ye narmi hai tere tan ki si

tera jo panw ka talwa hai bazm-e-maKHmal sa

safai is mein hai kahiye to nastaran ki si

'nazir' ek ghazal is zamin mein aur bhi likh

ki ab to kam hai rawani tere suKHan ki si