aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

saman ghurub ka dil mein raha ubharte hue

Khursheed Rizvi

saman ghurub ka dil mein raha ubharte hue

Khursheed Rizvi

MORE BYKhursheed Rizvi

    samāñ ġhurūb dil meñ rahā ubharte hue

    ḳhayāl ḳhaak meñ milne thā sañvarte hue

    zamīñ udaas hai aur āsmāñ pe ḳhanda-kunāñ

    guzar rahe haiñ sitāre udaas karte hue

    bikhar gayā to mujhe koī ġham nahīñ is

    ki raaz mujh pe ka.ī hue bikharte hue

    fasurda itnī hai is baar rahguzār-e-ḳhayāl

    ḳhirām-e-yār jhijaktā hai gul katarte hue

    mujhe bhī apnā dil-e-rafta yaad aatā hai

    kabhī kabhī kisī bāzār se guzarte hue

    zamāna lab pe ye añgusht rakh ke kahtā hai

    ki dard-e-dil na kaho aur kaho to Darte hue

    laboñ se niim tabassum bhī uTh gayā 'ḳhurshīd'

    udāsiyoñ mudāvā talāsh karte hue

    saman ghurub ka dil mein raha ubharte hue

    KHayal KHak mein milne ka tha sanwarte hue

    zamin udas hai aur aasman pe KHanda-kunan

    guzar rahe hain sitare udas karte hue

    bikhar gaya to mujhe koi gham nahin is ka

    ki raaz mujh pe kai wa hue bikharte hue

    fasurda itni hai is bar rahguzar-e-KHayal

    KHiram-e-yar jhijakta hai gul katarte hue

    mujhe bhi apna dil-e-rafta yaad aata hai

    kabhi kabhi kisi bazar se guzarte hue

    zamana lab pe ye angusht rakh ke kahta hai

    ki dard-e-dil na kaho aur kaho to Darte hue

    labon se nim tabassum bhi uTh gaya 'KHurshid'

    udasiyon ka mudawa talash karte hue

    Source:

    imkaan (Pg. 55)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now