aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shab ko meri chashm-e-hasrat ka sab dard-e-dil un se kah jaana

Shad Azimabadi

shab ko meri chashm-e-hasrat ka sab dard-e-dil un se kah jaana

Shad Azimabadi

MORE BYShad Azimabadi

    shab ko mirī chashm-e-hasrat sab dard-e-dil un se kah jaanā

    dāñtoñ meñ dabā kar hoñT apnā kuchh soch ke us rah jaanā

    mai-ḳhāne meñ aanā zāhid phir dar pe ThiThuk kar rah jaanā

    saaqī ke ishāroñ mastoñ kuchh kaan meñ sab ke kah jaanā

    ai yaas na mānūñgā terī bas dil ko ziyāda ab na dukhā

    samjhā chukī us pahelī nigah dukh-dard jo ho vo sah jaanā

    maanā ki faqat mauhūm sahī milne hameñ ik aas to hai

    dīdār to ho le dīda-e-tar bahnā ho agar tab bah jaanā

    naale hoñ ki aaheñ ai shab-e-ġham jab aa ga.iiñ lab par sabr kiyā

    sahne ko to sab kuchh dil ne sahā sahne tarah kab sah jaanā

    buniyād jamāne meñ jin kyā kuchh na bahā thā ḳhūn-e-jigar

    ai vā-asfā un mahloñ ik chashm-e-zadan meñ Dah jaanā

    shab ko vo hathelī se un sharmā ke chhupānā āñkhoñ ko

    barchhī adā chal jaanā us tīr-e-nazar rah jaanā

    utre na kisī ke jab dil meñ us baat hāsil kyā vaa.iz

    kahne ko kahī yuuñ apnī afsos na ne kah jaanā

    ham baaġh meñ nāhaq aa.e the bulbul hikāyat kyā kahiye

    minqār ko rakh kar kaliyoñ par kuchh apnī zabāñ meñ kah jaanā

    sun leñ dil-e-nādāñ bāteñ be-kār bigāḌeñ kaam apnā

    vo zulm kareñ ham par ki sitam ai 'shād' hameñ to sah jaanā

    shab ko meri chashm-e-hasrat ka sab dard-e-dil un se kah jaana

    danton mein daba kar honT apna kuchh soch ke us ka rah jaana

    mai-KHane mein aana zahid ka phir dar pe ThiThuk kar rah jaana

    saqi ke ishaaron ka maston kuchh kan mein sab ke kah jaana

    ai yas na manunga teri bas dil ko ziyaada ab na dukha

    samjha chuki us ki paheli nigah dukh-dard jo ho wo sah jaana

    mana ki faqat mauhum sahi milne ki hamein ek aas to hai

    didar to ho le dida-e-tar bahna ho agar tab bah jaana

    nale hon ki aahen ai shab-e-gham jab aa gain lab par sabr kiya

    sahne ko to sab kuchh dil ne saha sahne ki tarah kab sah jaana

    buniyaad jamane mein jin ki kya kuchh na baha tha KHun-e-jigar

    ai wa-asfa un mahlon ka ek chashm-e-zadan mein Dah jaana

    shab ko wo hatheli se un ka sharma ke chhupana aankhon ko

    barchhi ka ada ki chal jaana us tir-e-nazar ka rah jaana

    utre na kisi ke jab dil mein us baat ka hasil kya waiz

    kahne ko kahi yun apni si afsos na tu ne kah jaana

    hum bagh mein nahaq aae the bulbul ki hikayat kya kahiye

    minqar ko rakh kar kaliyon par kuchh apni zaban mein kah jaana

    sun len dil-e-nadan ki baaten be-kar bigaDen kaam apna

    wo zulm karen hum par ki sitam ai 'shad' hamein to sah jaana

    Source:

    Dewan-e-shad Azimabadi (Pg. 41)

    • Author: Shad Azimabadi
      • Edition: 2005
      • Publisher: Educational Publishing House
      • Year of Publication: 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now