sukut-e-shab ke hathon saunp kar wapas bulata hai
sukūt-e-shab ke hāthoñ sauñp kar vāpas bulātā hai
mirī āvārgī ko merā ghar vāpas bulātā hai
maiñ jab bhī dā.eroñ ko toḌ kar bāhar nikaltā huuñ
havā ke nā-tavāñ jhoñke kā Dar vāpas bulātā hai
usī ke hukm par us ko maiñ tanhā chhoḌ aayā thā
ḳhudā jaane mujhe vo kyuuñ magar vāpas bulātā hai
ishāre kar rahā hai dūriyoñ kā khaultā sāgar
mujhe har shaam ik andhā safar vāpas bulātā hai
vo jin kī hijratoñ ke aaj bhī kuchh daaġh raushan haiñ
unhī bichhḌe parindoñ ko shajar vāpas bulātā hai
sulagtī sā.atoñ kā ḳhauf ab kamzor hai shāyad
vahī sahmā huā dast-e-hunar vāpas bulātā hai
sukut-e-shab ke hathon saunp kar wapas bulata hai
meri aawargi ko mera ghar wapas bulata hai
main jab bhi daeron ko toD kar bahar nikalta hun
hawa ke na-tawan jhonke ka Dar wapas bulata hai
usi ke hukm par us ko main tanha chhoD aaya tha
KHuda jaane mujhe wo kyun magar wapas bulata hai
ishaare kar raha hai duriyon ka khaulta sagar
mujhe har sham ek andha safar wapas bulata hai
wo jin ki hijraton ke aaj bhi kuchh dagh raushan hain
unhi bichhDe parindon ko shajar wapas bulata hai
sulagti saaton ka KHauf ab kamzor hai shayad
wahi sahma hua dast-e-hunar wapas bulata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
