aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

taswir-e-zindagi mein naya rang bhar gae

Mahesh Chandra Naqsh

taswir-e-zindagi mein naya rang bhar gae

Mahesh Chandra Naqsh

MORE BYMahesh Chandra Naqsh

    tasvīr-e-zindagī meñ nayā rañg bhar ga.e

    vo hādse jo dil pe hamāre guzar ga.e

    duniyā se haT ke ik na.ī duniyā banā sakeñ

    kuchh ahl-e-ārzū isī hasrat meñ mar ga.e

    niklā jo qāfile se na.ī justujū liye

    kuchh duur saath saath mire rāhbar ga.e

    nairañgiyāñ chaman pashemān ho ga.iiñ

    ruḳh par kisī ke aaj jo gesū bikhar ga.e

    phūTī jo us jabīñ se ināyat ik kiran

    maġhmūm ārzūoñ ke chehre nikhar ga.e

    har shai se be-niyāz rahe jin meñ husn o ishq

    ai zindagī batā ki vo lamhe kidhar ga.e

    ai 'naqsh' kar rahā thā jinheñ ġharq nāḳhudā

    tūfāñ ke zor se vo safīne ubhar ga.e

    taswir-e-zindagi mein naya rang bhar gae

    wo hadse jo dil pe hamare guzar gae

    duniya se haT ke ek nai duniya bana saken

    kuchh ahl-e-arzu isi hasrat mein mar gae

    nikla jo qafile se nai justuju liye

    kuchh dur sath sath mere rahbar gae

    nairangiyan chaman ki pasheman ho gain

    ruKH par kisi ke aaj jo gesu bikhar gae

    phuTi jo us jabin se inayat ki ek kiran

    maghmum aarzuon ke chehre nikhar gae

    har shai se be-niyaz rahe jin mein husn o ishq

    ai zindagi bata ki wo lamhe kidhar gae

    ai 'naqsh' kar raha tha jinhen gharq naKHuda

    tufan ke zor se wo safine ubhar gae

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now