tilism-KHana-e-asbab mere samne tha

tilism-ḳhāna-e-asbāb mere sāmne thā

mirā hī dekhā huā ḳhvāb mere sāmne thā

vahī nahīñ thā jise dil talak rasā.ī thī

ki yuuñ to majma-e-ahbāb mere sāmne thā

tamām umr sitāre talāsh kartā phirā

palaT ke dekhā to mahtāb mere sāmne thā

maiñ ik sadā ke tahayyur meñ ghir gayā varna

kinārā sāmne girdāb mere sāmne thā

kitāb-e-ishq khulī thī sunā rahā thā koī

maiñ paḌh rahā thā nayā baab mere sāmne thā

maiñ DhūñDtā rahā maazī ke gum-shuda aurāq

nisāb-e-mimbar-o-mehrāb mere sāmne thā

ridā-e-faqr bachā le ga.ī mujhe varna

fareb-e-atlas-o-kam-ḳhvāb mere sāmne thā

tilism-KHana-e-asbab mere samne tha

mera hi dekha hua KHwab mere samne tha

wahi nahin tha jise dil talak rasai thi

ki yun to majma-e-ahbab mere samne tha

tamam umr sitare talash karta phira

palaT ke dekha to mahtab mere samne tha

main ek sada ke tahayyur mein ghir gaya warna

kinara samne girdab mere samne tha

kitab-e-ishq khuli thi suna raha tha koi

main paDh raha tha naya bab mere samne tha

main DhunDta raha mazi ke gum-shuda auraq

nisab-e-mimbar-o-mehrab mere samne tha

rida-e-faqr bacha le gai mujhe warna

fareb-e-atlas-o-kam-KHwab mere samne tha