teri zulfon mein dil uljha hua hai

tirī zulfoñ meñ dil uljhā huā hai

balā ke pech meñ aayā huā hai

na kyūñkar bū-e-ḳhūñ naame se aa.e

usī jallād kā likkhā huā hai

chale duniyā se jis kī yaad meñ ham

ġhazab hai vo hameñ bhūlā huā hai

kahūñ kyā haal aglī ishratoñ kā

vo thā ik ḳhvāb jo bhūlā huā hai

jafā ho yā vafā ham sab meñ ḳhush haiñ

kareñ kyā ab to dil aTkā huā hai

huī hai ishq hī se husn kī qadr

hamīñ se aap kā shohrā huā hai

butoñ par rahtī hai maa.il hamesha

tabī.at ko ḳhudāyā kyā huā hai

pareshāñ rahte ho din raat 'akbar'

ye kis kī zulf kā saudā huā hai

teri zulfon mein dil uljha hua hai

bala ke pech mein aaya hua hai

na kyunkar bu-e-KHun name se aae

usi jallad ka likkha hua hai

chale duniya se jis ki yaad mein hum

ghazab hai wo hamein bhula hua hai

kahun kya haal agli ishraton ka

wo tha ek KHwab jo bhula hua hai

jafa ho ya wafa hum sab mein KHush hain

karen kya ab to dil aTka hua hai

hui hai ishq hi se husn ki qadr

hamin se aap ka shohra hua hai

buton par rahti hai mail hamesha

tabiat ko KHudaya kya hua hai

pareshan rahte ho din raat 'akbar'

ye kis ki zulf ka sauda hua hai