aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

TukDe nahin hain aansuon mein dil ke chaar panch

Bahadur Shah Zafar

TukDe nahin hain aansuon mein dil ke chaar panch

Bahadur Shah Zafar

MORE BYBahadur Shah Zafar

    TukḌe nahīñ haiñ āñsuoñ meñ dil ke chaar pāñch

    surḳhāb baiThe paanī meñ haiñ mil ke chaar pāñch

    muñh khole haiñ ye zaḳhm jo bismil ke chaar pāñch

    phir leñge bose ḳhanjar-e-qātil ke chaar pāñch

    kahne haiñ matlab un se hameñ dil ke chaar pāñch

    kyā kahiye ek muñh haiñ vahāñ mil ke chaar pāñch

    dariyā meñ gir paḌā jo mirā ashk ek garm

    but-ḳhāne lab pe ho ga.e sāhil ke chaar pāñch

    do-chār lāshe ab bhī paḌe tere dar pe haiñ

    aur aage dab chuke haiñ tale gil ke chaar pāñch

    rāheñ haiñ do majāz o haqīqat hai jin naam

    raste nahīñ haiñ ishq manzil ke chaar pāñch

    ranj o ta'ab musībat o ġham yaas o dard o daaġh

    aah o fuġhāñ rafīq haiñ ye dil ke chaar pāñch

    do tiin jhaTke duuñ juuñ vahshat ke zor meñ

    zindāñ meñ TukḌe hoveñ salāsil ke chaar pāñch

    farhād o qais o vāmiq o azrā the chaar dost

    ab ham bhī aa mile to hue mil ke chaar pāñch

    naaz o adā o ġhamza nigah panja-e-mizha

    māreñ haiñ ek dil ko ye pil pil ke chaar pāñch

    iimā hai ye ki deveñge nau din ke baa'd dil

    likh bheje ḳhat meñ sher jo be-dil ke chaar pāñch

    hiire ke nau-ratan nahīñ tere hue haiñ jam'

    ye chāñdnī ke phuul magar khil ke chaar pāñch

    mīnā-e-nuh-falak hai kahāñ bāda-e-nashāt

    shīshe haiñ ye to zahr-e-halāhal ke chaar pāñch

    nāḳhun kareñ haiñ zaḳhmoñ ko do do milā ke ek

    the aaTh das so ho ga.e ab chhil ke chaar pāñch

    gar anjum-e-falak se bhī tādād kījiye

    nikleñ ziyāda daaġh mire dil ke chaar pāñch

    māreñ jo sar pe sil ko uThā kar qalaq se ham

    das pāñch TukḌe sar ke hoñ aur sil ke chaar pāñch

    maan ai 'zafar' panj-tan o chār-yār ko

    haiñ sadr-e-dīn yahī mahfil ke chaar pāñch

    TukDe nahin hain aansuon mein dil ke chaar panch

    surKHab baiThe pani mein hain mil ke chaar panch

    munh khole hain ye zaKHm jo bismil ke chaar panch

    phir lenge bose KHanjar-e-qatil ke chaar panch

    kahne hain matlab un se hamein dil ke chaar panch

    kya kahiye ek munh hain wahan mil ke chaar panch

    dariya mein gir paDa jo mera ashk ek garm

    but-KHane lab pe ho gae sahil ke chaar panch

    do-chaar lashe ab bhi paDe tere dar pe hain

    aur aage dab chuke hain tale gil ke chaar panch

    rahen hain do majaz o haqiqat hai jin ka nam

    raste nahin hain ishq ki manzil ke chaar panch

    ranj o ta'ab musibat o gham yas o dard o dagh

    aah o fughan rafiq hain ye dil ke chaar panch

    do tin jhaTke dun jun hi wahshat ke zor mein

    zindan mein TukDe howen salasil ke chaar panch

    farhad o qais o wamiq o azra the chaar dost

    ab hum bhi aa mile to hue mil ke chaar panch

    naz o ada o ghamza nigah panja-e-mizha

    maren hain ek dil ko ye pil pil ke chaar panch

    ima hai ye ki dewenge nau din ke ba'd dil

    likh bheje KHat mein sher jo be-dil ke chaar panch

    hire ke nau-ratan nahin tere hue hain jam'

    ye chandni ke phul magar khil ke chaar panch

    mina-e-nuh-falak hai kahan baada-e-nashat

    shishe hain ye to zahr-e-halahal ke chaar panch

    naKHun karen hain zaKHmon ko do do mila ke ek

    the aaTh das so ho gae ab chhil ke chaar panch

    gar anjum-e-falak se bhi tadad kijiye

    niklen ziyaada dagh mere dil ke chaar panch

    maren jo sar pe sil ko uTha kar qalaq se hum

    das panch TukDe sar ke hon aur sil ke chaar panch

    man ai 'zafar' tu panj-tan o chaar-yar ko

    hain sadr-e-din ki yahi mahfil ke chaar panch

    Videos
    This video is playing from YouTube

    Videos
    This video is playing from YouTube

    Mehran Amrohi

    Mehran Amrohi

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now