aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

TuTne par koi aae to phir aisa TuTe

Jawad Sheikh

TuTne par koi aae to phir aisa TuTe

Jawad Sheikh

MORE BYJawad Sheikh

    TūTne par koī aa.e to phir aisā TuuTe

    ki jise dekh ke har dekhne vaalā TuuTe

    use kis ke bharose pe nahīñ kaat rahī??

    charḳh ko dekhne vālī!! tirā charḳha TuuTe

    apne bikhre hue TukḌoñ ko sameTe kab tak??

    ek insān ḳhātir koī kitnā TuuTe

    koī TukḌā tirī āñkhoñ meñ na chubh jaa.e kahīñ

    duur ho ki mire ḳhvāb shīsha TuuTe

    maiñ kisī aur ko sochūñ to mujhe hosh aa.e

    maiñ kisī aur ko dekhūñ to ye nashsha TuuTe

    rañj hotā hai to aisā ki batā.e na bane

    jab kisī apne ke baa.is koī apnā TuuTe

    paas baiThe hue yāroñ ko ḳhabar tak na huī

    ham kisī baat pe is darja anokhā TuuTe

    itnī jaldī to sambhalne tavaqqo na karo!!

    vaqt kitnā huā hai mirā sapnā TuuTe

    daad bhiik na māñg!! ai mire achchhe shā.er!!

    tujhe merī duā hai tirā kaasa TuuTe

    varna kab tak liye phirtā rahūñ us ko 'javvād'

    koī sūrat ho ki ummīd se rishta TuuTe

    TuTne par koi aae to phir aisa TuTe

    ki jise dekh ke har dekhne wala TuTe

    tu use kis ke bharose pe nahin kat rahi??

    charKH ko dekhne wali!! tera charKHa TuTe

    apne bikhre hue TukDon ko sameTe kab tak??

    ek insan ki KHatir koi kitna TuTe

    koi TukDa teri aankhon mein na chubh jae kahin

    dur ho ja ki mere KHwab ka shisha TuTe

    main kisi aur ko sochun to mujhe hosh aae

    main kisi aur ko dekhun to ye nashsha TuTe

    ranj hota hai to aisa ki batae na bane

    jab kisi apne ke bais koi apna TuTe

    pas baiThe hue yaron ko KHabar tak na hui

    hum kisi baat pe is darja anokha TuTe

    itni jaldi to sambhalne ki tawaqqo na karo!!

    waqt hi kitna hua hai mera sapna TuTe

    dad ki bhik na mang!! ai mere achchhe shaer!!

    ja tujhe meri dua hai tera kasa TuTe

    warna kab tak liye phirta rahun us ko 'jawwad'

    koi surat ho ki ummid se rishta TuTe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now