wo aag hun ki nahin chain ek aan mujhe

vo aag huuñ ki nahīñ chain ek aan mujhe

jo din gayā to milī raat kī kamān mujhe

vo kaun hai ki jise āsmāñ meñ DhūñDtā huuñ

palaT ke dekhtā kyuuñ hai ye āsmān mujhe

ye kaisī baat huī hai ki dekh kar ḳhush hai

vo āñsuoñ ke samundar ke darmiyān mujhe

yahīñ pe chhoḌ gayā thā use yahīñ hogā

sukūt-e-ḳhvāb hai āvāz kā nishān mujhe

vo muntaqim huuñ ki sholoñ kā khel kheltā huuñ

mirī kamīngī detī hai dāstān mujhe

maiñ apnī āñkhoñ se apnā zavāl dekhtā huuñ

maiñ bevafā huuñ magar be-ḳhabar na jaan mujhe

wo aag hun ki nahin chain ek aan mujhe

jo din gaya to mili raat ki kaman mujhe

wo kaun hai ki jise aasman mein DhunDta hun

palaT ke dekhta kyun hai ye aasman mujhe

ye kaisi baat hui hai ki dekh kar KHush hai

wo aansuon ke samundar ke darmiyan mujhe

yahin pe chhoD gaya tha use yahin hoga

sukut-e-KHwab hai aawaz ka nishan mujhe

wo muntaqim hun ki sholon ka khel khelta hun

meri kamingi deti hai dastan mujhe

main apni aankhon se apna zawal dekhta hun

main bewafa hun magar be-KHabar na jaan mujhe