ye aks aap hi bante hain humse milte hain

ye aks aap hī bante haiñ ham se milte haiñ

ki nāḳhunoñ ke baġhair apne zaḳhm chhilte haiñ

ḳhabar milī hai ki tū ḳhvāb dekhtī hai abhī

ḳhabar milī hai tirī samt phuul khilte haiñ

hameñ ye vaqt kī baḳhiya-garī pasand nahīñ

agarche vaqt ke hāthoñ se zaḳhm silte haiñ

hamārī 'umr se baḌh kar ye bojh Daalā gayā

so ham baḌoñ se buzurgoñ kī tarah milte haiñ

kisī ko ḳhvāb meñ aksar pukārā jaatā hai

'atā' isī liye sote meñ hoñT hilte haiñ

ye aks aap hi bante hain hum se milte hain

ki naKHunon ke baghair apne zaKHm chhilte hain

KHabar mili hai ki tu KHwab dekhti hai abhi

KHabar mili hai teri samt phul khilte hain

hamein ye waqt ki baKHiya-gari pasand nahin

agarche waqt ke hathon se zaKHm silte hain

hamari 'umr se baDh kar ye bojh Dala gaya

so hum baDon se buzurgon ki tarah milte hain

kisi ko KHwab mein aksar pukara jata hai

'ata' isi liye sote mein honT hilte hain