جان ملٹن انگریزی کا ایک عظیم شاعر ہے۔ جس کے کلام کو نہ صرف انگریزی ادب میں بلکہ عالمی ادب میں اہم مقام حاصل ہے۔ اس کی ایک طویل بلینک ورس نظم جو 1667ء میں مکمل ہوئی۔ یہ نظم بارہ جلدوں میں پھیلی ہوئی ہے۔ اس کا نام اس نے "فردوس گم شدہ" (paradise lost) رکھا۔ ہم عصروں نے بے حد تعریف کی اور اس کے بعد سے یہ عظیم رزمیہ نظموں میں شمار ہونے لگی۔ اس نظم میں ملٹن انسان کی پہلی نافرمانی اور اس کے بدلے میں جنت سے نکالے جانے کا احوال بیان کرتا ہے۔ اس نظم میں خدا، انسان اور شیطان کی تکون کو بڑے شاعرانہ انداز میں بیان کیا گیا ہے۔ اس میں بتایا گیا ہے کہ کس طرح شیطان ہمارے آباء آدم اور حوا کو بہکاتا ہے اورجنت کا ممنوعہ پھل کھانے کی ترغیب دیتا ہے۔ نتیجہ کے طور پر خدا انھیں جنت سے نکلنے کا حکم دیتا ہے اور جنت کی وادیوں میں خدا اور شیطان کے درمیان جنگ ہوتی ہے۔ اس جنگ کااحوال بڑا ہی دلچسپ ہے۔ زیر نظر کتاب اسی شاہکار نظم کا اردو ترجمہ ہے۔ جو اصل کے مانند بارہ جلدوں پر مشتمل ہے، تمام بارہ جلدوں کو ایک ہی جلد میں شائع کیا گیا ہے۔ چونکہ کافی طویل نظم ہے اس لئے مثنوی کے پیرائے میں لکھی گئی ہے۔ خیال رہے کہ اقبال کے ابلیس کی کافی کچھ شباہت اسی نظم کے مرکزی کردار سے مستعار ہے۔