اس مجموعے میں ریڈیو پروگرام "روشنی " کی کچھ تقریروں کو کتابی شکل دے دی گئی ہے ۔ دیگر تقاریر کے دو مجموعے پہلے ہی شائع ہوچکے ہیں اور اب یہ " طوبی" تیسرا مجموعہ ہے۔ اس مجموعے کا پہلا حصہ اخلاق و عمل پر مشتمل ہے اور اس میں کل تیرہ مضامین ہیں۔ دوسرا حصہ آداب حکومت کے بارے میں ہے اور اس میں اٹھارہ مضامین شامل کیے گئے ہیں جبکہ تیسرے حصے میں اصول و احکام بتائے گئے ہیں اور اس میں کل سولہ عناوین ہیں۔ چوتھا حصہ الطاف و کرم کے تعلق سے ہے اور اس میں پندرہ مضامین ہیں۔ پانچویں حصے میں امانت و دیانت پر پندرہ عناوین کے تحت تفصیلات بیان کی گئی ہیں ۔ چھٹے حصے کو تہذیب و تربیت کے مضامین کے لئے مختص کیا گیا ہے ، اس میں بھی پندرہ عنوانوں کے تحت الگ الگ موضوعات پر بات کی گئی ہے۔ ساتویں حصے میں حکمت و دانائی پر اٹھارہ مضامین کے ذریعہ روشنی ڈالی گئی ہے ۔آٹھویں حصے میں خود غرضی اور گمراہی پر انیس مضامین شامل ہیں۔ نوے حصے میں رسمیں حقیقتیں کے حقائق کو اُنیس مضامین کے توسط سے سمجھانے کی کوشش ہوئی ہے۔ دسواں حصہ شخصیت و کردار پر ہے اور اس میں اُنیس مضامین شامل کیے گئے ہیں۔ گیارھویں حصے میں علم و علماء پر محققانہ بات کرنے کے لئے بیس مضامین چنے گئے ہیں ۔ بارھواں معیشت و روزگار پر ہے اور اس میں سترہ مضامین ہیں۔ عنوانات سے لگتا ہے کہ یہ خالص مذہبی مضامین ہیں لیکن پڑھنے سے اندازہ ہوتا ہے کہ یہ بالکل نئے اسلوب کے مضامین ہیں۔