نہ جانے کیوں ہمارے دل کو تم نے دل نہیں سمجھا

نہ جانے کیوں ہمارے دل کو تم نے دل نہیں سمجھا

یہ شیشہ توڑ ڈالا پیار کے قابل نہیں سمجھا

ہمارا پیار دیکھو اور ہمارا حوصلہ دیکھو

محبت کا جنوں ہم کو کہاں تک لے چلا دیکھو

تمہیں نے جان لے لی اور تمہیں قاتل نہیں سمجھا

نہ جانے کیوں

تڑپ دی بھی تو ایسی دی کہ مشکل ہو گیا جینا

چلائے تیر وہ تم نے کہ چھلنی ہو گیا سینہ

اور اس پر یہ ستم ہے کہ ہمیں گھایل نہیں سمجھا

نہ جانے کیوں

محبت کا یہ جادو ایک دن سر چڑھ کے بولے گا

ہر اک آندھی ہر اک طوفان کو دامن میں لے لے گا

محبت نے کسی بھی کام کو مشکل نہیں سمجھا

نہ جانے کیوں