آئنے میں گھورنے والا ہے کون
آئنے میں گھورنے والا ہے کون
اور اس کے سامنے والا ہے کون
ہر قدم کرتا ہے جو میری نفی
میرے اندر بولنے والا ہے کون
میں اگر ہوں آسماں در آسماں
یہ زمیں پر رینگنے والا ہے کون
کس کے پیچھے دوڑتا رہتا ہوں میں
آگے آگے بھاگنے والا ہے کون
میں ہوں آتش دان سے چپکا ہوا
برف و باراں ناچنے والا ہے کون
عین میرے دھیان پر کرتا ہے وار
مجھ کو مجھ سے چھیننے والا ہے کون
کون ہے بیتابؔ آخر گمشدہ
اور اس کو ڈھونڈنے والا ہے کون
مأخذ :
- کتاب : Falak Aasaar (Pg. 93)
- Author : Pritpal Singh Betab
- مطبع : Sarsabz Publications (H.P.) (2013)
- اشاعت : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
