aatish-e-tab ne ki hai tab shuru

ātish-e-tab ne kī hai taab shurū'

tū bhī kar dīda-e-pur-āb shurū'

kyuuñ na abtar ho āñsuoñ se chashm

kī hai laḌkoñ ne ye kitāb shurū'

shab maiñ chāhā karūñ kuchh us se savāl

bin sune hī kiyā javāb shurū'

sarfa-e-ḳhushk bhī hai ik hiila

karnī zāhid ko thī sharāb shurū'

naam sunte hī us kā bas 'qā.em'

phir kyā tū ne iztirāb shurū'

aatish-e-tab ne ki hai tab shuru'

tu bhi kar dida-e-pur-ab shuru'

kyun na abtar ho aansuon se chashm

ki hai laDkon ne ye kitab shuru'

shab main chaha karun kuchh us se sawal

bin sune hi kiya jawab shuru'

sarfa-e-KHushk bhi hai ek hila

karni zahid ko thi sharab shuru'

nam sunte hi us ka bas 'qaem'

phir kya tu ne iztirab shuru'