اپنے شجرے دکھا رہے ہیں پھول
اپنے شجرے دکھا رہے ہیں پھول
تم سے رشتے گنا رہے ہیں پھول
اپنی خوشبو کو بیچنے کے لئے
تیری خوشبو بتا رہے ہیں پھول
چڑھ رہی ہے بہار کی بارات
تتلیوں کو نچا رہے ہیں پھول
ہے جڑوں میں بہار ابھی باقی
خشک شاخوں پہ آ رہے ہیں پھول
یاد کر کر کے رات کی شبنم
دھوپ میں مسکرا رہے ہیں پھول
تیرے ہونٹوں کا نام لے لے کر
داستانیں سنا رہے ہیں پھول
پھر ترے عارضوں کی اترن سے
اپنے زیور بنا رہے ہیں پھول
مأخذ :
- کتاب : ہجر کی دوسری دوا (Pg. 53)
- Author : فہمی بدایونی
- مطبع : ریختہ پبلی کیشنز (2022)
- اشاعت : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
