ashk pine ke liye KHak uDane ke liye

Shakeel Jamali

ashk pine ke liye KHak uDane ke liye

Shakeel Jamali

MORE BY Shakeel Jamali

    ashk piine ke liye ḳhaak uḌāne ke liye

    ab mire paas ḳhazāna hai luTāne ke liye

    aisī daf.a na lagā jis meñ zamānat mil jaa.e

    mere kirdār ko chun apne nishāne ke liye

    kin zamīnoñ pe utāroge ab imdād qahr

    kaun shahr ujāḌoge basāne ke liye

    maiñ ne hāthoñ se bujhā.ī hai dahaktī huī aag

    apne bachche ke khilaune ko bachāne ke liye

    ho ga.ī hai mirī ujḌī huī duniyā ābād

    maiñ use DhūñDh rahā huuñ ye batāne ke liye

    nafrateñ bechne vāloñ bhī majbūrī hai

    maal to chāhiye dūkān chalāne ke liye

    to kahtā hai ki bistar se na utrūñ ka.ī roz

    ghar meñ sāmān to ho baiTh ke khāne ke liye

    ashk pine ke liye KHak uDane ke liye

    ab mere pas KHazana hai luTane ke liye

    aisi dafa na laga jis mein zamanat mil jae

    mere kirdar ko chun apne nishane ke liye

    kin zaminon pe utaroge ab imdad ka qahr

    kaun sa shahr ujaDoge basane ke liye

    main ne hathon se bujhai hai dahakti hui aag

    apne bachche ke khilaune ko bachane ke liye

    ho gai hai meri ujDi hui duniya aabaad

    main use DhunDh raha hun ye batane ke liye

    nafraten bechne walon ki bhi majburi hai

    mal to chahiye dukan chalane ke liye

    ji to kahta hai ki bistar se na utrun kai roz

    ghar mein saman to ho baiTh ke khane ke liye

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY