awwal to rahe dur wo nalon se hamare

avval to rahe duur vo nāloñ se hamāre

paas aa.e to ghabrā.e savāloñ se hamāre

ye kahte haiñ bulbul se vo gul haath meñ le kar

tū dekh malā kar ise gāloñ se hamāre

kyā barhana-pā dasht meñ lākhoñ bhī na hoñge

kāñToñ ko magar chheḌ hai chhāloñ se hamāre

har vaqt na.ī dhun hai hameñ taaza tasavvur

jāoge kahāñ bach ke ḳhayāloñ se hamāre

kahtī haiñ vo āñkheñ saf-e-mizhgāñ ko baḌhā kar

hai kaun jo rū-kash ho risāloñ se hamāre

ai 'dāġh' falak dushman-e-arbāb-e-hunar hai

zālim ko ḳhabar ho na kamāloñ se hamāre

awwal to rahe dur wo nalon se hamare

pas aae to ghabrae sawalon se hamare

ye kahte hain bulbul se wo gul hath mein le kar

tu dekh mala kar ise galon se hamare

kya barhana-pa dasht mein lakhon bhi na honge

kanTon ko magar chheD hai chhaalon se hamare

har waqt nai dhun hai hamein taza tasawwur

jaoge kahan bach ke KHayalon se hamare

kahti hain wo aankhen saf-e-mizhgan ko baDha kar

hai kaun jo ru-kash ho risalon se hamare

ai 'dagh' falak dushman-e-arbab-e-hunar hai

zalim ko KHabar ho na kamalon se hamare