بناتے نہیں ہیں جو کردار اپنے

بناتے نہیں ہیں جو کردار اپنے

ہمیشہ وہ رہتے ہیں سب خوار اپنے

خلوص و محبت دلوں میں نہیں ہے

ہیں مطلب کے سب ہی طلب گار اپنے

جنہیں ہم نے روکا برے راستے سے

وہی ہو گئے ہم سے بیزار اپنے

نظر رکھتے ہیں دوسروں کے عمل پر

نہیں دیکھتے ہیں وہ کردار اپنے

جو دیرینہ تھے آشنا وہ کہاں ہیں

سبھی ہو گئے گم وفادار اپنے

وہ ڈھونڈے سے بھی اب تو ملتے نہیں ہیں

کہاں جا چکے ہیں وہ غم خوار اپنے

دکھوں میں اے باصرؔ جو دیتے نہیں ساتھ

ہیں دنیا میں سب ہی وہ بے کار اپنے