aapne qadr kuchh na ki dil ki

aap ne qadr kuchh na kī dil kī

uḌ ga.ī muft meñ hañsī dil kī

ḳhū hai az-bas ki āshiqī dil kī

ġham se vābasta hai ḳhushī dil kī

yaad har haal meñ rahe vo mujhe

al-ġharaz baat rah ga.ī dil kī

mil chukī ham ko un se dād-e-vafā

jo nahīñ jānte lagī dil kī

chain se mahv-e-ḳhvāb-e-nāz meñ vo

bekalī ham ne dekh lī dil kī

hama-tan sarf-e-hoshyāri-e-ishq

kuchh ajab shai hai be-ḳhudī dil kī

un se kuchh to milā vo ġham hī sahī

aabrū kuchh to rah ga.ī dil kī

mar miTe ham na ho sakī puurī

aarzū tum se ek bhī dil kī

vo jo bigḌe raqīb se 'hasrat'

aur bhī baat ban ga.ī dil kī

aap ne qadr kuchh na ki dil ki

uD gai muft mein hansi dil ki

KHu hai az-bas ki aashiqi dil ki

gham se wabasta hai KHushi dil ki

yaad har haal mein rahe wo mujhe

al-gharaz baat rah gai dil ki

mil chuki hum ko un se dad-e-wafa

jo nahin jaante lagi dil ki

chain se mahw-e-KHwab-e-naz mein wo

bekali hum ne dekh li dil ki

hama-tan sarf-e-hoshyari-e-ishq

kuchh ajab shai hai be-KHudi dil ki

un se kuchh to mila wo gham hi sahi

aabru kuchh to rah gai dil ki

mar miTe hum na ho saki puri

aarzu tum se ek bhi dil ki

wo jo bigDe raqib se 'hasrat'

aur bhi baat ban gai dil ki