aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

bhuk

MORE BYJaved Akhtar

    aañkh khul ga.ī merī

    ho gayā maiñ phir zinda

    peT ke añdheroñ se

    zehn ke dhundalkoñ tak

    ek saañp ke jaisā

    reñgtā ḳhayāl aayā

    aaj tīsrā din hai…… aaj tīsrā din hai

    ik ajiib ḳhāmoshī

    munjamid hai kamre meñ

    ek farsh aur ik chhat

    aur chaar dīvāreñ

    mujh se be-ta.alluq sab

    sab mire tamāshā.ī

    sāmne khiḌkī se

    tez dhuup kirneñ

    aa rahī haiñ bistar par

    chubh rahī haiñ chehre meñ

    is qadar nukīlī haiñ

    jaise rishte-dāroñ ke

    tanz merī ġhurbat par

    aañkh khul ga.ī merī

    aaj khokhlā huuñ maiñ

    sirf ḳhol baaqī hai

    aaj mere bistar meñ

    leTā hai mirā Dhāñcha

    apnī murda āñkhoñ se

    dekhtā hai kamre ko

    aaj tīsrā din hai

    aaj tīsrā din hai

    dopahar garmī meñ

    be-irāda qadmoñ se

    ik saḌak pe chaltā huuñ

    tañg saḌak par haiñ

    donoñ samt dokāneñ

    ḳhālī ḳhālī āñkhoñ se

    har dukān taḳhta

    sirf dekh saktā huuñ

    ab paḌhā nahīñ jaatā

    log aate jaate haiñ

    paas se guzarte haiñ

    phir bhī kitne dhuñdle haiñ

    sab haiñ jaise be-chehra

    shor in dukānoñ

    raah chaltī ik gaalī

    radio āvāzeñ

    duur sadā.eñ haiñ

    aa rahī mīloñ se

    jo bhī sun rahā huuñ maiñ

    jo bhī dekhtā huuñ maiñ

    ḳhvāb jaisā lagtā hai

    hai bhī aur nahīñ bhī hai

    dopahar garmī meñ

    be-irāda qadmoñ se

    ik saḌak pe chaltā huuñ

    sāmne ke nukkaḌ par

    nal dikhā.ī detā hai

    saḳht kyuuñ hai ye paanī

    kyuuñ gale meñ phañstā hai

    mere peT meñ jaise

    ghūñsa ek lagtā hai

    aa rahā hai chakkar

    jism par pasīna hai

    ab sakat nahīñ baaqī

    aaj tīsrā din hai

    aaj tīsrā din hai

    har taraf añdherā hai

    ghaaT par akelā huuñ

    sīḌhiyāñ haiñ patthar

    sīḌhiyoñ pe leTā huuñ

    ab maiñ uTh nahīñ saktā

    āsmāñ ko taktā huuñ

    āsmāñ ko thālī meñ

    chāñd ek roTī hai

    jhuk rahī haiñ ab palkeñ

    Dūbtā hai ye manzar

    hai zamīn gardish meñ

    mere ghar meñ chūlhā thā

    roz khānā paktā thā

    roTiyāñ sunahrī haiñ

    garm garm ye khānā

    khul nahīñ rahī āñkheñ

    kyā maiñ marne vaalā huuñ

    maañ ajiib thī merī

    roz apne hāthoñ se

    mujh ko vo khilātī thī

    kaun sard hāthoñ se

    chhū rahā hai chehre ko

    ik nivālā hāthī

    ik nivālā ghoḌe

    ik nivālā bhālū

    maut hai ki be-hoshī

    jo bhī ġhanīmat hai

    maut hai ki be-hoshī

    jo bhī hai ġhanīmat hai

    aaj tīsrā din thaa.......... aaj tīsrā din thā

    aankh khul gai meri

    ho gaya main phir zinda

    peT ke andheron se

    zehn ke dhundalkon tak

    ek sanp ke jaisa

    rengta KHayal aaya

    aaj tisra din hai…… aaj tisra din hai

    ek ajib KHamoshi

    munjamid hai kamre mein

    ek farsh aur ek chhat

    aur chaar diwaren

    mujh se be-talluq sab

    sab mere tamashai

    samne ki khiDki se

    tez dhup ki kirnen

    aa rahi hain bistar par

    chubh rahi hain chehre mein

    is qadar nukili hain

    jaise rishte-daron ke

    tanz meri ghurbat par

    aankh khul gai meri

    aaj khokhla hun main

    sirf KHol baqi hai

    aaj mere bistar mein

    leTa hai mera Dhancha

    apni murda aankhon se

    dekhta hai kamre ko

    aaj tisra din hai

    aaj tisra din hai

    dopahar ki garmi mein

    be-irada qadmon se

    ek saDak pe chalta hun

    tang si saDak par hain

    donon samt dokanen

    KHali KHali aankhon se

    har dukan ka taKHta

    sirf dekh sakta hun

    ab paDha nahin jata

    log aate jate hain

    pas se guzarte hain

    phir bhi kitne dhundle hain

    sab hain jaise be-chehra

    shor in dukanon ka

    rah chalti ek gali

    radio ki aawazen

    dur ki sadaen hain

    aa rahi milon se

    jo bhi sun raha hun main

    jo bhi dekhta hun main

    KHwab jaisa lagta hai

    hai bhi aur nahin bhi hai

    dopahar ki garmi mein

    be-irada qadmon se

    ek saDak pe chalta hun

    samne ke nukkaD par

    nal dikhai deta hai

    saKHt kyun hai ye pani

    kyun gale mein phansta hai

    mere peT mein jaise

    ghunsa ek lagta hai

    aa raha hai chakkar sa

    jism par pasina hai

    ab sakat nahin baqi

    aaj tisra din hai

    aaj tisra din hai

    har taraf andhera hai

    ghaT par akela hun

    siDhiyan hain patthar ki

    siDhiyon pe leTa hun

    ab main uTh nahin sakta

    aasman ko takta hun

    aasman ko thaali mein

    chand ek roTi hai

    jhuk rahi hain ab palken

    Dubta hai ye manzar

    hai zamin gardish mein

    mere ghar mein chulha tha

    roz khana pakta tha

    roTiyan sunahri hain

    garm garm ye khana

    khul nahin rahi aankhen

    kya main marne wala hun

    man ajib thi meri

    roz apne hathon se

    mujh ko wo khilati thi

    kaun sard hathon se

    chhu raha hai chehre ko

    ek niwala hathi ka

    ek niwala ghoDe ka

    ek niwala bhaalu ka

    maut hai ki be-hoshi

    jo bhi ghanimat hai

    maut hai ki be-hoshi

    jo bhi hai ghanimat hai

    aaj tisra din tha aaj tisra din tha

    Videos
    This video is playing from YouTube

    Videos
    This video is playing from YouTube

    Javed Akhtar

    Javed Akhtar

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now