bimar-e-agahi teri wajh-e-shifa hai dil

bīmār-e-āgahī tirī vaj.h-e-shifā hai dil

mushkil-parast 'aql to mushkil-kushā hai dil

TuuTe na koī ḳhvāb to dil koī shai nahīñ

ḳhvāboñ ke TūTne kī khanaktī sadā hai dil

itnī kamī rahī ki farishta na ho sakā

iblīs dil hai aadmī dil hai ḳhudā hai dil

āñdhī havā-e-garm kī duniyā ke moḌ par

aa.e maqām-e-‘ishq to ThanDī havā hai dil

ai kaash ye hayāt bhī hotī isī tarah

har roz pichhle roz ke dil se judā hai dil

jalte ḳhiyām ḳhuun sadā.eñ udāsiyāñ

aur maiñ khaḌā huā huuñ mirī karbalā hai dil

niklā thā kis ko DhūñDne aur kaun mil gayā

aañsū kiye talāsh to mujh ko milā hai dil

bimar-e-agahi teri wajh-e-shifa hai dil

mushkil-parast 'aql to mushkil-kusha hai dil

TuTe na koi KHwab to dil koi shai nahin

KHwabon ke TuTne ki khanakti sada hai dil

itni kami rahi ki farishta na ho saka

iblis dil hai aadmi dil hai KHuda hai dil

aandhi hawa-e-garm ki duniya ke moD par

aae maqam-e-‘ishq to ThanDi hawa hai dil

ai kash ye hayat bhi hoti isi tarah

har roz pichhle roz ke dil se juda hai dil

jalte KHiyam KHun sadaen udasiyan

aur main khaDa hua hun meri karbala hai dil

nikla tha kis ko DhunDne aur kaun mil gaya

aansu kiye talash to mujh ko mila hai dil