aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chakle

MORE BYSahir Ludhianvi

    ye kūche ye nīlām ghar dilkashī ke

    ye luTte hue kārvāñ zindagī ke

    kahāñ haiñ kahāñ haiñ muhāfiz ḳhudī ke

    sanā-ḳhvān-e-taqdīs-e-mashriq kahāñ haiñ

    ye pur-pech galiyāñ ye be-ḳhvāb bāzār

    ye gumnām raahī ye sikkoñ jhankār

    ye ismat ke saude ye saudoñ pe takrār

    sanā-ḳhvān-e-taqdīs-e-mashriq kahāñ haiñ

    ta.affun se pur nīm-raushan ye galiyāñ

    ye maslī huī adh khilī zard kaliyāñ

    ye biktī huī khokhlī rañg-raliyāñ

    sanā-ḳhvān-e-taqdīs-e-mashriq kahāñ haiñ

    vo ujle darīchoñ meñ pāyal chhan chhan

    tanaffus uljhan pe table dhan dhan

    ye be-rūh kamroñ meñ khāñsī Than Than

    sanā-ḳhvān-e-taqdīs-e-mashriq kahāñ haiñ

    ye gūñje hue qahqahe rāstoñ par

    ye chāroñ taraf bhiiḌ khiḌkiyoñ par

    ye āvāze khiñchte hue āñchaloñ par

    sanā-ḳhvān-e-taqdīs-e-mashriq kahāñ haiñ

    ye phūloñ ke gajre ye paīkoñ ke chhīñTe

    ye bebāk nazreñ ye gustāḳh fiqre

    ye Dhalke badan aur ye madqūq chehre

    sanā-ḳhvān-e-taqdīs-e-mashriq kahāñ haiñ

    ye bhūkī nigāheñ hasīnoñ jānib

    ye baḌhte hue haath sīnoñ jānib

    lapakte hue paañv zīnoñ jānib

    sanā-ḳhvān-e-taqdīs-e-mashriq kahāñ haiñ

    yahāñ piir bhī aa chuke haiñ javāñ bhī

    tanau-mand beTe bhī abbā miyāñ bhī

    ye biivī bhī hai aur bahan bhī hai maañ bhī

    sanā-ḳhvān-e-taqdīs-e-mashriq kahāñ haiñ

    madad chāhtī hai ye havvā beTī

    yashodhā ham-jins rādhā beTī

    payambar ummat zuleḳhā beTī

    sanā-ḳhvān-e-taqdīs-e-mashriq kahāñ haiñ

    bulāo ḳhudāyān-e-dīñ ko bulāo

    ye kūche ye galiyāñ ye manzar dikhāo

    sanā-ḳhvān-e-taqdīs-e-mashriq ko laao

    sanā-ḳhvān-e-taqdīs-e-mashriq kahāñ haiñ

    ye kuche ye nilam ghar dilkashi ke

    ye luTte hue karwan zindagi ke

    kahan hain kahan hain muhafiz KHudi ke

    sana-KHwan-e-taqdis-e-mashriq kahan hain

    ye pur-pech galiyan ye be-KHwab bazar

    ye gumnam rahi ye sikkon ki jhankar

    ye ismat ke saude ye saudon pe takrar

    sana-KHwan-e-taqdis-e-mashriq kahan hain

    taffun se pur nim-raushan ye galiyan

    ye masli hui adh khili zard kaliyan

    ye bikti hui khokhli rang-raliyan

    sana-KHwan-e-taqdis-e-mashriq kahan hain

    wo ujle darichon mein payal ki chhan chhan

    tanaffus ki uljhan pe table ki dhan dhan

    ye be-ruh kamron mein khansi ki Than Than

    sana-KHwan-e-taqdis-e-mashriq kahan hain

    ye gunje hue qahqahe raston par

    ye chaaron taraf bhiD si khiDkiyon par

    ye aawaze khinchte hue aanchalon par

    sana-KHwan-e-taqdis-e-mashriq kahan hain

    ye phulon ke gajre ye paikon ke chhinTe

    ye bebak nazren ye gustaKH fiqre

    ye Dhalke badan aur ye madquq chehre

    sana-KHwan-e-taqdis-e-mashriq kahan hain

    ye bhuki nigahen hasinon ki jaanib

    ye baDhte hue hath sinon ki jaanib

    lapakte hue panw zinon ki jaanib

    sana-KHwan-e-taqdis-e-mashriq kahan hain

    yahan pir bhi aa chuke hain jawan bhi

    tanau-mand beTe bhi abba miyan bhi

    ye biwi bhi hai aur bahan bhi hai man bhi

    sana-KHwan-e-taqdis-e-mashriq kahan hain

    madad chahti hai ye hawwa ki beTi

    yashodha ki ham-jins radha ki beTi

    payambar ki ummat zuleKHa ki beTi

    sana-KHwan-e-taqdis-e-mashriq kahan hain

    bulao KHudayan-e-din ko bulao

    ye kuche ye galiyan ye manzar dikhao

    sana-KHwan-e-taqdis-e-mashriq ko lao

    sana-KHwan-e-taqdis-e-mashriq kahan hain

    RECITATIONS

    Hamida Bano

    Hamida Bano,

    Hamida Bano

    chakle Hamida Bano

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now