charcha is ek baat ka dasht-o-daman mein tha

charchā is ek baat kā dasht-o-daman meñ thā

kis kā latīf haath zuhūr-e-chaman meñ thā

kāñTā thā husn-e-zāt kā kartā na kyuuñ ḳhalish

yak-gūna haz-o-lutf bhī lekin chubhan meñ thā

us shaḳhs ke zamīr ne kar lī thī ḳhud-kushī

paudā havas kā jis kī tamannā ke ban meñ thā

sayyāra-e-gunāh kā saaya jidhar paḌā

taare siyāh-posh the sūraj gahan meñ thā

yalġhār kar rahī thī mozāhim pe dam-ba-dam

kis darja garm ḳhuun anā ke badan meñ thā

go merī baat par use 'hādī' yaqīñ to thā

shak-o-gumāñ kā rañg bhī us ke chalan meñ thā

charcha is ek baat ka dasht-o-daman mein tha

kis ka latif hath zuhur-e-chaman mein tha

kanTa tha husn-e-zat ka karta na kyun KHalish

yak-guna haz-o-lutf bhi lekin chubhan mein tha

us shaKHs ke zamir ne kar li thi KHud-kushi

pauda hawas ka jis ki tamanna ke ban mein tha

sayyara-e-gunah ka saya jidhar paDa

tare siyah-posh the suraj gahan mein tha

yalghaar kar rahi thi mozahim pe dam-ba-dam

kis darja garm KHun ana ke badan mein tha

go meri baat par use 'hadi' yaqin to tha

shak-o-guman ka rang bhi us ke chalan mein tha