dam-ba-KHud meri ana teri ada bhi dam-ba-KHud

dam-ba-ḳhud merī anā terī adā bhī dam-ba-ḳhud

tere pahlū meñ rahā maiñ aur rahā bhī dam-ba-ḳhud

dekhiye pahle lahū Tapke ki phaileñ kirchiyāñ

dam-ba-ḳhud terī nazar bhī aa.ina bhī dam-ba-ḳhud

itnā sannāTā ki jaise avvalīñ shām-e-firāq

dam-ba-ḳhud hai āsmāñ bhī aur havā bhī dam-ba-ḳhud

yaad hai tujh ko vo pahle lams kī hiddat ki jab

rah ga.ī thī daf.atan terī hayā bhī dam-ba-ḳhud

ek se aalam meñ donoñ muḳhtalif asbāb se

dam-ba-ḳhud terā karam merī duā bhī dam-ba-ḳhud

aisā lagtā hai ki donoñ se nahīñ nisbat mujhe

dam-ba-ḳhud umr-e-ravāñ sail-e-fanā bhī dam-ba-ḳhud

ḳhauf-e-tajdīd-e-ta.aluq darmiyāñ haa.il rahā

dam-ba-ḳhud terā sitam merā galā bhī dam-ba-ḳhud

yuuñ gumāñ hotā hai donoñ kī tavaqqo.a ek thī

dam-ba-ḳhud terī vafā merī sazā bhī dam-ba-ḳhud

jab khule merī haqīqat tum vo manzar dekhnā

dam-ba-ḳhud nā-āshnā bhī āshnā bhī dam-ba-ḳhud

dam-ba-KHud meri ana teri ada bhi dam-ba-KHud

tere pahlu mein raha main aur raha bhi dam-ba-KHud

dekhiye pahle lahu Tapke ki phailen kirchiyan

dam-ba-KHud teri nazar bhi aaina bhi dam-ba-KHud

itna sannaTa ki jaise awwalin sham-e-firaq

dam-ba-KHud hai aasman bhi aur hawa bhi dam-ba-KHud

yaad hai tujh ko wo pahle lams ki hiddat ki jab

rah gai thi dafatan teri haya bhi dam-ba-KHud

ek se aalam mein donon muKHtalif asbab se

dam-ba-KHud tera karam meri dua bhi dam-ba-KHud

aisa lagta hai ki donon se nahin nisbat mujhe

dam-ba-KHud umr-e-rawan sail-e-fana bhi dam-ba-KHud

KHauf-e-tajdid-e-taluq darmiyan hail raha

dam-ba-KHud tera sitam mera gala bhi dam-ba-KHud

yun guman hota hai donon ki tawaqqoa ek thi

dam-ba-KHud teri wafa meri saza bhi dam-ba-KHud

jab khule meri haqiqat tum wo manzar dekhna

dam-ba-KHud na-ashna bhi aashna bhi dam-ba-KHud