dil-e-wahshi tujhe ek bar phir zanjir karna hai

dil-e-vahshī tujhe ik baar phir zanjīr karnā hai

ki ab is se mulāqātoñ meñ kuchh tāḳhīr karnā hai

mire pichhle bahāne us pe raushan hote jaate haiñ

so ab mujh ko nayā hiila na.ī tadbīr karnā hai

kamāñ-dāroñ ko is se kyā ġharaz pahuñche ki rah jaa.e

unheñ to bas ishāre par ravāna tiir karnā hai

abhī imkān ke safhe bahut ḳhālī haiñ duniyā meñ

mujhe bhī ek nauha jā-ba-jā tahrīr karnā hai

dil-e-wahshi tujhe ek bar phir zanjir karna hai

ki ab is se mulaqaton mein kuchh taKHir karna hai

mere pichhle bahane us pe raushan hote jate hain

so ab mujh ko naya hila nai tadbir karna hai

kaman-daron ko is se kya gharaz pahunche ki rah jae

unhen to bas ishaare par rawana tir karna hai

abhi imkan ke safhe bahut KHali hain duniya mein

mujhe bhi ek nauha ja-ba-ja tahrir karna hai