dil-e-zaKHmi se KHun ai ham-nashin kuchh kam nahin nikla

dil-e-zaḳhmī se ḳhuuñ ai ham-nashīñ kuchh kam nahīñ niklā

taḌapnā thā magar qismat meñ likkhā dam nahīñ niklā

hamesha zaḳhm-e-dil par zahr hī chhiḌkā ḳhayāloñ ne

kabhī in ham-damoñ kī jeb se marham nahīñ niklā

hamārā bhī koī hamdard hai is vaqt duniyā meñ

pukārā har taraf muñh se kisī ke ham nahīñ niklā

tajassus kī nazar se sair-e-fitrat kī jo ai 'akbar'

koī zarra na thā jis meñ ki ik 'ālam nahīñ niklā

dil-e-zaKHmi se KHun ai ham-nashin kuchh kam nahin nikla

taDapna tha magar qismat mein likkha dam nahin nikla

hamesha zaKHm-e-dil par zahr hi chhiDka KHayalon ne

kabhi in ham-damon ki jeb se marham nahin nikla

hamara bhi koi hamdard hai is waqt duniya mein

pukara har taraf munh se kisi ke hum nahin nikla

tajassus ki nazar se sair-e-fitrat ki jo ai 'akbar'

koi zarra na tha jis mein ki ek 'alam nahin nikla