دل میں چھپا کے دل میں لیے جا رہا ہوں میں

دل میں چھپا کے دل میں لیے جا رہا ہوں میں

یوں حسن سے نباہ کئے جا رہا ہوں میں

پھولوں کے ساتھ ہیں مجھے سب خار بھی عزیز

کتنا حسین ساتھ دئے جا رہا ہوں میں

برق جمال سے ہوا کب کوئی فیضیاب

خود اپنے دل میں غور کئے جا رہا ہوں میں

رحمت ہے خود پناہ خدائے کریم کی

رحمت کو اپنے ساتھ لئے جا رہا ہوں میں

فرد عمل سیاہ نہ کرنا گناہ سے

زاہد تجھے یہ پند کئے جا رہا ہوں میں

وقت شباب خوب ہی باصرؔ گزر گیا

رخصت ہوئی جوانی جئے جا رہا ہوں میں