tumhaare ghar pe main aa to nahin raha mere dost

tumhāre ghar pe maiñ aa to nahīñ rahā mire dost

ghumā phirā ke batāo na rāsta mire dost

havā ho garm ki ThanDī pasīna sūkhtā hai

vo merā dost hai achchhā hai yā burā mire dost

bichhaḌte vaqt zarūrat nahīñ hoī mahsūs

aur ab na rābta number na rābta mire dost

maiñ yuuñ to ek mohabbat ke qā.elīn meñ thā

tujhe milā to rahā hī nahīñ gayā mire dost

hamārī aañkh meñ quvvat hai rañg chakhne kī

hamārī aañkh batātī hai zā.iqa mire dost

purāne giit meñ shāmil kiye haiñ saaz na.e

suḳhan meñ itnā to hissa rahā mirā mire dost

tumhaare ghar pe main aa to nahin raha mere dost

ghuma phira ke batao na rasta mere dost

hawa ho garm ki ThanDi pasina sukhta hai

wo mera dost hai achchha hai ya bura mere dost

bichhaDte waqt zarurat nahin hoi mahsus

aur ab na rabta number na rabta mere dost

main yun to ek mohabbat ke qaelin mein tha

tujhe mila to raha hi nahin gaya mere dost

hamari aankh mein quwwat hai rang chakhne ki

hamari aankh batati hai zaiqa mere dost

purane git mein shamil kiye hain saz nae

suKHan mein itna to hissa raha mera mere dost