har waqt nauha-KHwan si rahti hain meri aankhen
har vaqt nauha-ḳhvāñ sī rahtī haiñ merī āñkheñ
ik dukh bharī kahānī kahtī haiñ merī āñkheñ
jazbāt-e-dil kī shiddat sahtī haiñ merī āñkheñ
gul-rañg aur shafaq-gūñ rahtī haiñ merī āñkheñ
aish o tarab ke jalse dard o alam ke manzar
kyā kuchh na ham ne dekhā kahtī haiñ merī āñkheñ
jab se dil o jigar kī hamdard ban ga.ī haiñ
ġhamgīniyoñ meñ Duubī rahtī haiñ merī āñkheñ
labrez ho ke dil kā sāġhar chhalak uThā hai
shāyad isī sabab se bahtī haiñ merī āñkheñ
har jumbish-e-nazar hai rūdād-e-ishq 'aḳhtar'
haiñ be-zabāñ magar kuchh kahtī haiñ merī āñkheñ
har waqt nauha-KHwan si rahti hain meri aankhen
ek dukh bhari kahani kahti hain meri aankhen
jazbaat-e-dil ki shiddat sahti hain meri aankhen
gul-rang aur shafaq-gun rahti hain meri aankhen
aish o tarab ke jalse dard o alam ke manzar
kya kuchh na hum ne dekha kahti hain meri aankhen
jab se dil o jigar ki hamdard ban gai hain
ghamginiyon mein Dubi rahti hain meri aankhen
labrez ho ke dil ka saghar chhalak uTha hai
shayad isi sabab se bahti hain meri aankhen
har jumbish-e-nazar hai rudad-e-ishq 'aKHtar'
hain be-zaban magar kuchh kahti hain meri aankhen
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
