ek yan qismat ka apne kunj-e-tanhai mila

ek yaañ qismat kā apne kunj-e-tanhā.ī milā

dūsre jo yaar thā so vo bhī harjā.ī milā

dekhiye kyūñ-kar ho us se dosto sohbat burā

ham to dīvāne hī the par dil bhī saudā.ī milā

ba.ad-e-majnūñ kyuuñ na huuñ maiñ kār-farmā-e-junūñ

ishq kī sarkār se malbūs-e-rusvā.ī milā

jal gayā parvāna jis dam sho.ala-rū aaya ba-bazm

ḳhaak meñ shab sham.a ne dī mahfil-ārā.ī milā

tāla-e-bedār kī minnat uThānī thī vale

us se shab ham ko tamanna ḳhvāb meñ laa.ī milā

apnī qismat meñ azal se thī likhī sar-gashtagī

gard-bād-āsā jo kār-e-dasht-paimā.ī milā

vāh-vā rahmat hai tujh ko aur us ko āfrīñ

raah meñ ban kar asā jo ḳhār-e-sahrā.ī milā

dast-gīrī hī na kī tū ne ki juuñ naqsh-e-qadam

ḳhaak meñ tere liye maiñ ai tavānā.ī milā

ḳhuub sā sīdhā banegā sarv-e-gulshan ai 'nasīr'

us kī ra.anā.ī se gar degā ye zebā.ī milā

ek yan qismat ka apne kunj-e-tanhai mila

dusre jo yar tha so wo bhi harjai mila

dekhiye kyun-kar ho us se dosto sohbat bura

hum to diwane hi the par dil bhi saudai mila

baad-e-majnun kyun na hun main kar-farma-e-junun

ishq ki sarkar se malbus-e-ruswai mila

jal gaya parwana jis dam shoala-ru aaya ba-bazm

KHak mein shab shama ne di mahfil-arai mila

tala-e-bedar ki minnat uThani thi wale

us se shab hum ko tamanna KHwab mein lai mila

apni qismat mein azal se thi likhi sar-gashtagi

gard-baad-asa jo kar-e-dasht-paimai mila

wah-wa rahmat hai tujh ko aur us ko aafrin

rah mein ban kar asa jo KHar-e-sahrai mila

dast-giri hi na ki tu ne ki jun naqsh-e-qadam

KHak mein tere liye main ai tawanai mila

KHub sa sidha banega sarw-e-gulshan ai 'nasir'

us ki ranai se gar dega ye zebai mila