andhera mere baatin mein paDa tha

añdherā mere bātin meñ paḌā thā

koī mujh ko pukāre jā rahā thā

ham apne āsmānoñ meñ kahīñ the

hamāre pīchhe koī aa rahā thā

ufuq sunsān hote jā rahe the

sukūt-e-vasl kā manzar bhī kyā thā

chamak kaisī badan se phuuT niklī

hamāre haath meñ kis kā sirā thā

sar-e-lams-e-badan jo lazzateñ thiiñ

ḳhatā ke batn meñ jo kaif sā thā

maiñ sadiyoñ us taraf thā aur vo mujh ko

mirī maujūdgī meñ dekhtā thā

koī shab DhūñDtī thī mujh ko aur maiñ

tirī nīñdoñ meñ jā kar so gayā thā

usī ne zulmateñ phailā rakhī haiñ

asās-e-ḳhvāb par jis ko rakhā thā

andhera mere baatin mein paDa tha

koi mujh ko pukare ja raha tha

hum apne aasmanon mein kahin the

hamare pichhe koi aa raha tha

ufuq sunsan hote ja rahe the

sukut-e-wasl ka manzar bhi kya tha

chamak kaisi badan se phuT nikli

hamare hath mein kis ka sira tha

sar-e-lams-e-badan jo lazzaten thin

KHata ke batn mein jo kaif sa tha

main sadiyon us taraf tha aur wo mujh ko

meri maujudgi mein dekhta tha

koi shab DhunDti thi mujh ko aur main

teri nindon mein ja kar so gaya tha

usi ne zulmaten phaila rakhi hain

asas-e-KHwab par jis ko rakha tha